ବାସ୍ତବ ବ୍ୟୁରୋ: ମାଣିକ ସାହା ଦ୍ୱିତୀୟ ଥର ପାଇଁ ତ୍ରିପୁରାର ସିଏମ୍ ହେବେ। ସୋମବାର ବିଜେପି ବିଧାନସଭା ପାର୍ଟି ବୈଠକରେ ସାହା ବିଧାନସଭା ଦଳର ନେତା ଭାବରେ ମନୋନୀତ ହୋଇଛନ୍ତି। ସନ୍ଧ୍ୟାରେ ସାହା ରାଜ ଭବନରେ ପହଞ୍ଚି ସରକାର ଗଠନ ପାଇଁ ଦାବି ଉପସ୍ଥାପନ କରିଥିଲେ।
ବିଜେପିର ଜଣେ ମୁଖପାତ୍ର ବୈଠକ ପରେ ସାମ୍ବାଦିକମାନଙ୍କୁ ସୂଚନା ଦେଇ କହିଛନ୍ତି ଯେ ଏହି ଚୟନକୁ ଦଳର ସମସ୍ତ ବିଧାୟକ ସର୍ବସମ୍ମତି କ୍ରମେ ସମର୍ଥନ କରିଛନ୍ତି। ଏହାପୂର୍ବରୁ ଅନୁମାନ କରାଯାଉଥିଲା ଯେ ବିପ୍ଲବ କୁମାର ଦେବଙ୍କ ସ୍ଥାନରେ ଗତ ବର୍ଷ ବ୍ରାଣ୍ଡ ରିନ୍ୟୁଆଲ ଅଭ୍ୟାସରେ ସିଏମ ହୋଇଥିବା ସାହା, ସମ୍ବେଦନଶୀଳ ସୀମା ରାଜ୍ୟର ମୁଖ୍ୟମନ୍ତ୍ରୀ ଭାବରେ କେନ୍ଦ୍ର ମନ୍ତ୍ରୀ ପ୍ରତୀମା ଭୋମିକଙ୍କୁ ରାସ୍ତା ଦେଇପାରନ୍ତି।
ସୂଚନାଯୋଗ୍ୟ, ଶ୍ରୀ ଶାହାଙ୍କ ଦଳ ବିଜେପି ଏବଂ ଏହାର ସହଯୋଗୀ ଆଇପିଏଫଟି ୬୦ ଆସନ ବିଶିଷ୍ଟ ତ୍ରିପୁରା ବିଧାନସଭା ନିର୍ବାଚନରେ ୩୩ଟି ଆସନରେ ଜିତି କ୍ଷମତାକୁ ଫେରିଛନ୍ତି।
୭୦ ବର୍ଷୀୟ ମାଣିକ ଶାହା ପୂର୍ବରୁ କହିଥିଲେ ଯେ ତ୍ରିପୁରାର ନୂଆ ସରକାର ‘ଏକ ତ୍ରିପୁରା, ଶ୍ରେଷ୍ଠ ତ୍ରିପୁରା’ ନିର୍ମାଣ ପାଇଁ କାମ କରିବେ।
ବୁଧବାର ଅର୍ଥାତ ମାର୍ଚ୍ଚ ୮ ରେ ମୁଖ୍ୟମନ୍ତ୍ରୀ ଓ ନୂଆ ମନ୍ତ୍ରିମଣ୍ଡଳର ଶପଥ ଗ୍ରହଣ ଉତ୍ସବ ଅନୁଷ୍ଠିତ ହେବ। ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହା, ବିଜେପି ଅଧ୍ୟକ୍ଷ ଜେପି ନଡ୍ଡା ଯୋଗ ଦେବାର ସମ୍ଭାବନା ରହିଛି।
