ବାସ୍ତବ ବ୍ୟୁରୋ : ଗତ ୨୪ ଘଣ୍ଟା ମଧ୍ୟରେ ଦେଶରେ ନୂଆ ୫,୮୮୦ ଟି କରୋନା ମାମଲା ରୁଜୁ ହୋଇଛି। ଏହି ସମୟ ମଧ୍ୟରେ ୧୪ ଜଣଙ୍କର ମୃତ୍ୟୁ ହୋଇଥିବାବେଳେ ୩,୪୮୧ ଜଣ ଲୋକ ଏହି ରୋଗରୁ ଆରୋଗ୍ୟ ଲାଭ କରିଛନ୍ତି। ବର୍ତ୍ତମାନ ଦେଶରେ ୩୫,୧୭୫ ସକ୍ରିୟ ମାମଲା ରହିଛି ଏବଂ ପଜିଟିଭିଟି ହାର ୬.୯୧% କୁ ବୃଦ୍ଧି ପାଇଛି । ଅନ୍ୟପକ୍ଷରେ ୪୪,୧୯୬,୩୧୮ ଜଣ କରୋନାରୁ ଆରୋଗ୍ୟ ହେବା ସହ ଦେଶରେ ଆରୋଗ୍ୟ ହାର ୯୮.୭୪ ପ୍ରତିଶତକୁ ବୃଦ୍ଧି ପାଇଛି।
ଆଜିଠାରୁ ସାରା ଦେଶରେ ଦୁଇ ଦିନିଆ କରୋନା ମକ୍ ଡ୍ରିଲ୍ ଆରମ୍ଭ ହୋଇଛି । ହସ୍ପିଟାଲରେ ମକ୍ ଡ୍ରିଲ୍ ମାଧ୍ୟମରେ କରୋନା ସହିତ ମୁକାବିଲା ପାଇଁ ପ୍ରସ୍ତୁତିର ସମୀକ୍ଷା କରାଯିବ । ଏହି ମକ୍ ଡ୍ରିଲ୍ ଉଭୟ ସରକାରୀ ଏବଂ ବେସରକାରୀ ଡାକ୍ତରଖାନାରେ ଅନୁଷ୍ଠିତ ହେବ । କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭୀୟ ଦିଲ୍ଲୀର ରାମ ମନୋହର ଲୋହିଆ (ଆର୍ଏମ୍ଏଲ୍) ହସ୍ପିଟାଲରେ ମକଡ୍ରିଲ୍ର ସମୀକ୍ଷା କରିଛନ୍ତି।
କୋଭିଡ ମକ୍ ଡ୍ରିଲରେ ସ୍ୱାସ୍ଥ୍ୟ ବିଭାଗ ଏବଂ କର୍ମଚାରୀମାନେ ଜରୁରୀକାଳୀନ ପରିସ୍ଥିତିକୁ କିପରି ପରିଚାଳନା କରିବେ ତାହା ଦେଖାଯିବ। ଯଥାସମ୍ଭବ ଲୋକଙ୍କୁ ଚିକିତ୍ସା ଯୋଗାଇବା ପାଇଁ ସେମାନେ ଉପଲବ୍ଧ ଉତ୍ସଗୁଡିକର ସମ୍ପୂର୍ଣ୍ଣ ଉପଯୋଗ କିପରି କରିବେ? ଏଥିରେ ଡାକ୍ତରଖାନାର ଭିତ୍ତିଭୂମି, ଔଷଧର ଷ୍ଟକ୍, ଅମ୍ଳଜାନର ଉପଲବ୍ଧତା, ଡାକ୍ତର ଏବଂ କର୍ମଚାରୀଙ୍କ ସଂଖ୍ୟା ସହିତ ଅନେକ ଜିନିଷ ଦେଖାଯାଏ ।
୫ ରାଜ୍ୟରେ ୮୦% ରୁ ଅଧିକ ନୂତନ ମାମଲା, କେରଳ ଆଗରେ ରହିଛି
- ଦିଲ୍ଲୀରେ କରୋନା ପଜିଟିଭ ହାର ୨୧ ପ୍ରତିଶତ ଟପିଥିବାରୁ ଚିନ୍ତା ବଢ଼ିଛି।
- ହରିୟାଣା ସରକାର ଗତକାଲି ଠାରୁ ରାଜ୍ୟରେ ସର୍ବସାଧାରଣ ସ୍ଥଳରେ ମାସ୍କ ପିନ୍ଧିବା ବାଧ୍ୟତାମୂଳକ କରିଥିବା ବେଳେ ହରିୟାଣା ସ୍କୁଲରେ ମଧ୍ୟ ମାସ୍କ ବାଧ୍ୟତାମୂଳକ କରାଯାଇଛି।
- କେରଳରେ ଗର୍ଭବତୀ ଏବଂ ବୟସ୍କଙ୍କ ପାଇଁ ମାସ୍କ ବାଧ୍ୟତାମୂଳକ କରାଯାଇଛି। ପୁଡ଼ୁଚେରୀ ପ୍ରଶାସନ ବି ମାସ୍କ ବାଧ୍ୟତାମୂଳକ କରିଛନ୍ତି।
- ସମାନ ପରିସ୍ଥିତି ତାମିଲ ନାଡୁ ଏବଂ ମହାରାଷ୍ଟ୍ର ରେ ମଧ୍ୟ ଦେଖିବାକୁ ମିଳିଛି ।
