ବାସ୍ତବ ବ୍ୟୁରୋ: କାନାଡାର ସର୍ବବୃହତ ଟରୋଣ୍ଟୋ ଅନ୍ତର୍ଜାତୀୟ ବିମାନବନ୍ଦରରେ ୧୭ ଏପ୍ରିଲ ସନ୍ଧ୍ୟାରେ ପହଞ୍ଚିଥିଲାଏକ ସ୍ୱତନ୍ତ୍ର କଣ୍ଟେନର । ଏଥିରେ ୧୪.୮ ମିଲିୟନ ଡ଼ଲାର ଅର୍ଥାତ୍ ୧୨୧ କୋଟି ଟଙ୍କା ମୂଲ୍ୟର ସୁନା ଏବଂ ଅନ୍ୟାନ୍ୟ ମୂଲ୍ୟବାନ ସାମଗ୍ରୀ ରହିଥିଲା । ଏହାକୁ ସୁରକ୍ଷିତ ଭାବେ ସ୍ଥାନାନ୍ତର କରାଯାଇଥିଲା । ପରେ ଏପ୍ରିଲ୍ ୨୦ ରେ ସମସ୍ତ ମାଲ ଚୋରି ହୋଇଥିବା ଜଣା ପଡିଥିଲା । ସେବେଠାରୁ କାନାଡା ପୋଲିସ ଏହାକୁ ଖୋଜୁଛି।
ଅନୁସନ୍ଧାନ ପରେ ଜଣେ ଇନ୍ସପେକ୍ଟର ଏହି ମାମଲାକୁ ଅନନ୍ୟ ବୋଲି ବର୍ଣ୍ଣନା କରିଛନ୍ତି। ତେବେ ସେ କହିଛନ୍ତି ଯେ ଯାଞ୍ଚ ଶେଷ ହେବା ନ ପର୍ଯ୍ୟନ୍ତ ସେ କେଉଁ କମ୍ପାନୀର କାର୍ଗୋ ଥିଲା ଏବଂ କେଉଁ ଏୟାରଲାଇନ୍ସରୁ ଏହା ଅଣା ଯାଇଥିଲା ଏବଂ ଏହାର ଓଜନ କେତେ ତାହା ସେ କହିପାରିବେ ନାହିଁ ।
ଏହି ମାମଲାରେ ଏପର୍ଯ୍ୟନ୍ତ କୌଣସି ଗିରଫଦାରୀ ହୋଇନାହିଁ। ଏହା ପଛରେ ଏକ ବଡ ଗ୍ୟାଙ୍ଗ ଅଛି ବୋଲି ପୋଲିସ ସନ୍ଦେହ କରୁଛି। ଏହି ଗ୍ୟାଙ୍ଗ କାନାଡାରେ ଅଛି ନା ନାହିଁ, ଏହା ଜଣା ପଡିନାହିଁ କିମ୍ବା କୌଣସି ପ୍ରମୁଖ ସୂତ୍ର ମିଳିନାହିଁ।
