ବାସ୍ତବ ବ୍ୟୁରୋ-ସରକାରୀ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ପାକିସ୍ତାନର F-16, JF-17 ଏବଂ ମିରାଜ୍ -3 ବିମାନ ଭାରତୀୟ ସୀମା ରେଖା ନିକଟରେ ଗତିବିଧୀ ବୃଦ୍ଧି କରିଛି । ଗତ କିଛିଦିନ ତଳେ ଜମ୍ମୁ-କାଶ୍ମୀରର ହନ୍ଦଓ୍ୱାଡାରେ ଆତଙ୍କବାଦୀଙ୍କ ସହ ଏନକାଉଣ୍ଟରରେ ଭାରତୀୟ ସେନାର ଜଣେ କର୍ଣ୍ଣେଲଙ୍କ ସମେତ ୪ଜଣ ଯବାନ ସହିଦ ହୋଇଥିଲେ । ପରେ ପାକିସ୍ତାନ ଭାରତର ପ୍ରତିଆକ୍ରମ ର ଆଶଙ୍କା କରି ସୀମାରେ ଯୁଦ୍ଧ ବିମାନର ଗତିବିଧି ବୃଦ୍ଧି କରିଛି ।
ଏଏନଆଇର ରିପୋର୍ଟ ଅନୁସାରେ, ପାକିସ୍ତାନ ବହୁ ପୂର୍ବରୁ ଏକ ସୈନ୍ୟାଭ୍ୟାସ କରୁଛି । ଏଥିରେ ପାକ୍ ବାୟୁସେନାକୁ ନିୟୋଜିତ କରାଯାଇଛି । ପୂର୍ବରୁ ପାକ୍ ପ୍ରଧାନମନ୍ତ୍ରୀ ଇମରାନ ଖାନ କହିଥିଲେ, ଭାରତ ବର୍ତ୍ତମାନର ପରିସ୍ଥିତିରେ ପାକ୍ ବିରୋଧରେ କିଛି କାର୍ଯ୍ୟାନୁଷ୍ଠାନ କରିପାରେ । ଇମରାନ ଆହୁରି ମଧ୍ୟ ଭାରତର ନୀତିକୁ ମଧ୍ୟ ବିରୋଧ କରିଥିଲେ । ସୂଚନାଯୋଗ୍ୟ, କାଶ୍ମୀର ଅଶାନ୍ତି ପାଇଁ ଭାରତ ପାକିସ୍ତାନକୁ ଦାୟୀ କରିଥିଲେ । ପାକିସ୍ତାନର ଏହି କାର୍ଯ୍ୟକଳାପକୁ ଦୃଷ୍ଟିରେ ରଖି ଭାରତୀୟ ସେନା ସମ୍ପୂର୍ଣ୍ଣ ସତର୍କ ରହି, ପାକିସ୍ତାନୀ ବାୟୁସେନାର ପ୍ରତ୍ୟେକ କାର୍ଯ୍ୟକଳାପ ଉପରେ ନଜର ରଖୁଛି ।
