ବାସ୍ତବ ବ୍ୟୁରୋ-ଚୀନ୍ ଆମଦାନୀକୁ ରୋକିବାକୁ ପାଇଁ ମୋଦୀ ସରକାର ଲଗାତାର ଚେଷ୍ଟା କରୁଛନ୍ତି । ବର୍ତ୍ତମାନ ସରକାର ଚାଇନାରୁ ପାୱାର ଟିଲର ଏବଂ ମେସିନ୍ ଅଂଶଗୁଡିକର ଆମଦାନୀକୁ ବନ୍ଦ କରି ଦେଇଛନ୍ତି । ପାୱାର ଟିଲର୍ ହେଉଛି ଏକ କୃଷି ଯନ୍ତ୍ର, ଯାହା ଚାଷ ପାଇଁ ଜମି ପ୍ରସ୍ତୁତ କରିବା ପାଇଁ ବ୍ୟବହୃତ ହୁଏ । ସେଗୁଡିକ ଚାଇନାରୁ ବହୁ ସଂଖ୍ୟାରେ ଆମଦାନୀ ହୋଇଥାଏ । ବୈଦେଶିକ ବାଣିଜ୍ୟ ନିର୍ଦ୍ଦେଶାଳୟ (ଡିଜିଏଫଟି)ଏକ ବିଜ୍ଞପ୍ତି ଜାରି କରି କହିଛି ଯେ, ପାୱାର ଟିଲର ଏବଂ ଏହାର ଅଂଶଗୁଡିକର ଆମଦାନୀ ଟିକସମୁକ୍ତ ରୁ ନିଷେଧ କୁ ସଂଶୋଧିତ ହୋଇଛି। ନିଷେଧ ବର୍ଗରେ ଏକ ଉତ୍ପାଦ ରଖିବା ଅର୍ଥ ହେଉଛି ଯେ, ଆମଦାନୀକାରୀମାନେ ଏହି ମେସିନ ବା ଅଂଶଗୁଡିକକୁ ଆମଦାନୀ କରିବା ପୂର୍ବରୁ DGFT ରୁ ଏକ ଲାଇସେନ୍ସ ପାଇବା ଆବଶ୍ୟକ ।
ଭାରତ ସରକାର ଚାଇନାରୁ ଆସୁଥିବା ପାୱାର ଟିଲର ଏବଂ ଏହାର ଉପାଦାନ ଆମଦାନୀ ବନ୍ଦ କରିବା ସହ ଭାରତୀୟ ଉତ୍ପାଦକମାନଙ୍କୁ ଉତ୍ସାହିତ କରିବ ।
ଉଲ୍ଲେଖନୀୟ ଯେ, ଗତ ମାସରେ ଭାରତ-ଚୀନ୍ ଲାଇନ୍ ଅଫ୍ କଣ୍ଟ୍ରୋଲରେ ଏକ ହିଂସାତ୍ମକ ସଂଘର୍ଷରେ ଆମ ଦେଶର ୨୦ ବୀର ଯବାନ ପ୍ରାଣ ହରାଇଥିଲେ । ସେବେଠାରୁ ଦୁଇ ଦେଶ ମଧ୍ୟରେ ତିକ୍ତତା ବୃଦ୍ଧି ପାଇବାରେ ଲାଗିଛି । ଚାଇନାକୁ ଆର୍ଥିକ ଝଟକା ଦେବା ପ୍ରୟାସର ଏକ ଅଂଶ ଭାବରେ ଦେଶରେ ଚାଇନାର ସାମଗ୍ରୀର ବୟେକଟ ଆରମ୍ଭ ହୋଇଥିଲା । ଏହାପୂର୍ବରୁ ଚାଇନାରୁ ଅନେକ ସାମଗ୍ରୀର ଆମଦାନୀ ଉପରେ ଆଣ୍ଟି-ଡମ୍ପିଂ ଡ୍ୟୁଟି ମଧ୍ୟ ଲାଗୁ କରାଯାଇଛି ।
