ବାସ୍ତବ ବ୍ୟୁରୋ-କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ହାର୍ଦ୍ଦିକ ସିଂ ପୁରୀ ରବିବାର ଦିନ କହିଛନ୍ତି ଯେ ଏପର୍ଯ୍ୟନ୍ତ ବିଦେଶରୁ ୮୨୪୦୦୦ ଭାରତୀୟଙ୍କୁ ବିଭିନ୍ନ ଉପାୟରେ ଭାରତ ଫେରାଇ ଅଣା ଯାଇସାରିଛି । ମେ ୬ ରୁ ଆରମ୍ଭ ହୋଇଥିବା ବନ୍ଦେ ଭାରତ ମିଶନର ଚାରୋଟି ପର୍ଯ୍ୟାୟ ସମାପ୍ତ ହୋଇଥିବାବେଳେ ଏହାର ପଞ୍ଚମ ପର୍ଯ୍ୟାୟ ଅଗଷ୍ଟ ୧ ରୁ ଆରମ୍ଭ ହେବାକୁ ଯାଉଛି । କେନ୍ଦ୍ର ମନ୍ତ୍ରୀ ତାଙ୍କ ଟ୍ୱିଟରେ ଏହି ସୂଚନା ଦେଇଛନ୍ତି ।
କେନ୍ଦ୍ର ମନ୍ତ୍ରୀ ଏହା ମଧ୍ୟ ସୂଚନା ଦେଇଛନ୍ତି ଯେ,ବନ୍ଦେ ଭାରତ ମିଶନର ପଞ୍ଚମ ପର୍ଯ୍ୟାୟରେ, ଭାରତୀୟ ନାଗରିକମାନଙ୍କୁ ଆମେରିକା, କାନାଡା, ସିଙ୍ଗାପୁର, କିଛି ଗଲ୍ଫ ଦେଶ, ନ୍ୟୁଜିଲ୍ୟାଣ୍ଡ ଇତ୍ୟାଦିରୁ ଫେରାଇ ଅଣାଯିବ । ୬ ମେ ୨୦୨୦ ରୁ ବନ୍ଦେ ଭାରତ ମିଶନ ଅଧୀନରେ ବିଭିନ୍ନ ମାଧ୍ୟମ ମାଧ୍ୟମରେ ୮୨୪ ହଜାରରୁ ଅଧିକ ଭାରତୀୟଙ୍କୁ ଘରକୁ ଅଣା ଯାଇସାରିଛି , ଯେଉଁମାନଙ୍କ ମଧ୍ୟରୁ ଅଧିକାଂଶ ୫୩ ଟି ଦେଶରେ ପ୍ରାୟ ୨୭୦ ହଜାର ରୁ ଅଧିକ ବିମାନ ମାଧ୍ୟମରେ ଫେରିଛନ୍ତି ।
“ବର୍ତ୍ତମାନ ଆମେ ଅଗଷ୍ଟ ୧ , ୨୦୨୦ ଠାରୁ ବନ୍ଦେ ଭାରତ ମିଶନର ଚତୁର୍ଥ ପର୍ଯ୍ୟାୟର ସବିଶେଷ ତଥ୍ୟ ପ୍ରସ୍ତୁତ କରୁଛୁ ଏବଂ ପଞ୍ଚମ ପର୍ଯ୍ୟାୟରେ ପ୍ରବେଶ କରିବା କୁ ଯାଉଛୁ ଏବଂ ଅଧିକ ଭାରତୀୟ ନାଗରିକଙ୍କୁ ଫେରାଇ ଆଣିବା ପାଇଁ ପ୍ରସ୍ତୁତ ହେଉଛୁ । ଏହି ପଞ୍ଚମ ପର୍ଯାୟରେ ଭାରତ କୁ ଅନ୍ୟାନ୍ୟ ଗନ୍ତବ୍ୟସ୍ଥଳ ମଧ୍ୟରେ ଆମେରିକା, କାନାଡା, କାତାର, ଓମାନ, ୟୁଏଇ, ସିଙ୍ଗାପୁର, ବ୍ରିଟେନ, ଫ୍ରାଙ୍କଫୋର୍ଟ୍, ପ୍ୟାରିସ୍, ସାଉଦି ଆରବ, ବହାରେନ, ନ୍ୟୁଜିଲ୍ୟାଣ୍ଡ, ଫିଲିପାଇନ୍ସ ଏବଂ ଅନ୍ୟାନ୍ୟ ଦେଶ ସହିତ ସଂଯୋଗ କରିବ ।”
ସୂଚନାଯୋଗ୍ୟ ଯେ,ସମଗ୍ର ବିଶ୍ୱରେ କରୋନାଭାଇରସ୍ ବ୍ୟାପିବା କାରଣରୁ ମାର୍ଚ୍ଚରେ ଭାରତ ସମସ୍ତ ଯାତ୍ରୀବାହୀ ବିମାନକୁ ସମ୍ପୂର୍ଣ୍ଣ ନିଷିଦ୍ଧ କରିଥିଲା। ଏହି କାରଣରୁ ଅନେକ ଭାରତୀୟ ବିଦେଶରେ ଫସି ରହି ଯାଇଥିଲେ। ଭାରତ ସରକାର ମେ ମାସରେ ବନ୍ଦେ ଭାରତ ମିଶନ ଆରମ୍ଭ କରିଥିଲେ, ଯାହା ମାଧ୍ୟମରେ ବିଦେଶରେ ଫସି ରହିଥିବା ଲକ୍ଷ ଲକ୍ଷ ଭାରତୀୟଙ୍କୁ ଫେରାଇ ଅଣା ଯାଇଥିଲା।
