- ଛତିଶଗଡର ବିଜାପୁରରେ ପୋଲିସ ଏବଂ ନକ୍ସଲମାନଙ୍କ ମଧ୍ୟରେ ଏନକାଉଣ୍ଟର
- ଏନକାଉଣ୍ଟରରେ ପାଞ୍ଚଜଣ ସୈନିକ ସହିଦ ହୋଇଥିଲେ, ୧୫ ଜଣ ନିଖୋଜ ଥିଲେ
- ଏନକାଉଣ୍ଟରରେ ନଅ ଜଣ ନକ୍ସଲଙ୍କ ମୃତ୍ୟୁ ଖବର, ଜଣେ ନକ୍ସଲ ମହିଳାଙ୍କ ମୃତଦେହ ଘଟଣାସ୍ଥଳରୁ ଉଦ୍ଧାର କରାଯାଇଥିଲା
- ସାତ ଜଣ ସୈନିକ ରାୟପୁରରେ ଏବଂ ୨୩ ଜଣ ବିଜେପୁରରେ ଚିକିତ୍ସିତ ହେଉଛନ୍ତି |
ବାସ୍ତବବ୍ୟୁରୋ:ଛତିଶଗଡର ବିଜାପୁର ନକ୍ସଲଙ୍କ ସହ ଲଢ଼େଇରେ ୧୫ ସୈନିକ ନିଖୋଜ ଅଛନ୍ତି। ଏହି ଅପରେସନ ରେ ୫ ସୈନିକ ସହିଦ ହୋଇଛନ୍ତି। ଶନିବାର ଦିନ ନକ୍ସଲ ପ୍ରଭାବିତ ବିଜାପୁର ଏବଂ ସୁକମା ଜିଲ୍ଲା ସୀମାରେ ସୁରକ୍ଷା ବାହିନୀ ଏବଂ ନକ୍ସଲମାନଙ୍କ ମଧ୍ୟରେ ହୋଇଥିବା ଏନକାଉଣ୍ଟରରେ ପାଞ୍ଚଜଣ ସୈନିକ ଙ୍କ ମୃତ୍ୟୁ ଘଟିଛି। ଏଥିସହିତ ଏଥିରେ ପ୍ରାୟ ୩୦ ଜଣ ଯବାନ ଆହତ ହୋଇଛନ୍ତି। ବର୍ତ୍ତମାନ ଖବର ଆସୁଛି ଯେ ଏହି ଏନକାଉଣ୍ଟରରେ ୧୫ -୨୦ ସୈନିକ ନିଖୋଜ ଅଛନ୍ତି।
ରାଜ୍ୟର ନକ୍ସଲ ବିରୋଧୀ ଅପରେସନର ଡେପୁଟି ଇନ୍ସପେକ୍ଟର ଜେନେରାଲ ଓପି ପାଲ କହିଛନ୍ତି ଯେ, ନିଖୋଜ ସୈନିକ ମାନଙ୍କୁ ଖୋଜିବା ପାଇଁ ଏନକାଉଣ୍ଟର ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଛି ।ଶୁକ୍ରବାର ରାତିରେ ବିଜାପୁର ଏବଂ ସୁକମା ଜିଲ୍ଲାର କେନ୍ଦ୍ରୀୟ ରିଜର୍ଭ ପୋଲିସ ଫୋର୍ସର କୋବ୍ରା ବ୍ୟାଟାଲିୟନ, DRG ଏବଂ STF ର ମିଳିତ ଟିମ୍ ପଠାଯାଇଛି। ସେ କହିଛନ୍ତି ଯେ ବିଜାପୁର ଜିଲ୍ଲାର ତରେମ, ଉସୁର ଏବଂ ପାମେଡ ଏବଂ ସୁକମା ଜିଲ୍ଲାର ମୀନାପା ଏବଂ ନରସାପୁରାମରୁ ଏହି ନକ୍ସଲ ବିରୋଧୀ କାର୍ଯ୍ୟରେ ପ୍ରାୟ ଦୁଇ ହଜାର ସୈନିକ ଜଡିତ ଥିଲେ।
