ବାସ୍ତବବ୍ୟୁରୋ:ଚାନ୍ଦବାଲି, ଆଜି ଜଣେ ବୃଦ୍ଧଙ୍କର ଚାନ୍ଦବାଲି ବ୍ଲକ ତେନ୍ତୁଲିଡିହି ପଞ୍ଚାୟତରେ ଚିଙ୍ଗୁଡ଼ି ଚାଷ ହୋଇଥିବା ପ୍ଲାଣ୍ଟରେ ବ୍ୟବହୃତ ଏରିଏଟର ମେସିନରେ କଟି ମୃତ୍ୟୁ ହୋଇଛି । ମୃତକ ହେଉଛନ୍ତି ଓରାସାହି ପଞ୍ଚାୟତ ନେଢୁଆଳୀ ଗାଁର ହାଡିବନ୍ଧୁ ମାଝୀ । ହାଡିବନ୍ଧୁ ଓ ତାଙ୍କ ପୁଅ ତେନ୍ତୁଲିଡିହି ପଞ୍ଚାୟତର ଏକ ଘରୋଇ ଚିଙ୍ଗୁଡ଼ି ପ୍ଲାଣ୍ଟରେ କାମ କରୁଥିଲେ ।
ହାଡିବନ୍ଧୁ ଚିଙ୍ଗୁଡ଼ି ଫାର୍ମରେ ବ୍ୟବହୃତ ଏରିଏଟର କାର୍ଯ୍ୟ କରୁଥିବା ସମୟରେ ତାଙ୍କର ଗୋଡ଼ ଲାଗିଯିବାରୁ ତାଙ୍କର ଗୁପ୍ତାଙ୍ଗ ଏରିଏଟରରେ ମାଡ଼ ହେବା ଫଳରେ ଘଟଣା ସ୍ଥଳରେ ବୃଦ୍ଧ ସଂଜ୍ଞାହୀନ ହୋଇ ପଡ଼ିଥିଲେ । ପରେ ତାଙ୍କୁ ମେଡିକାଲ ଆଣିବା ପରେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଯାଇଥିଲା । ଏଥିନେଇ ଚାନ୍ଦବାଲି ଥାନାରେ ଅଭିଯୋଗ ପରେ ଚାନ୍ଦବାଲି ଥାନାରେ ୯/୨୦୨୧ ମୂଳେ ଏକ ୟୁଡ଼ି କେଶ ରୁଜୁ କରାଯାଇ ତଦନ୍ତ କରାଯାଇଛି ।
