ବାସ୍ତବବ୍ୟୁରୋ:(ମୁମ୍ବାଇ) ଡ୍ରଗ୍ସ ଚୋରା ଚାଲାଣ ମାମଲାରେ ଏନସିବି ଦ୍ୱାରା ପଳାତକ ଗ୍ୟାଙ୍ଗଷ୍ଟର ଦାଉଦ ଇବ୍ରାହିମର ଭାଇ ଇକବାଲ କାସକରକୁ ଗିରଫ କରାଯାଇଛି। ଜାମ୍ମୁ କାଶ୍ମୀରରୁ ବହୁ ପରିମାଣର ଗଞ୍ଜା ଚୋରା ଚାଲାଣ ମାମଲାରେ କାସକରଙ୍କୁ ଏନସିବି ପଚରାଉଚରା ପାଇଁ ଗିରଫ କରିଛି। ଥାନେ ସେଣ୍ଟ୍ରାଲ ଜେଲ ଅଧୀକ୍ଷକ ହର୍ଷଦ ଆହିରାଓ କହିଛନ୍ତି ଯେ ଏନସିବି ଦଳ କାସ୍କରଙ୍କ ସହ ସକାଳ ପ୍ରାୟ ୧୧ ଟା ସମୟରେ ମୁମ୍ବାଇ ଅଭିମୁଖେ ଯାତ୍ରା କରିଛନ୍ତି।
ଏହାପୂର୍ବରୁ ତାଙ୍କର କରୋନା ପରୀକ୍ଷା କରାଯାଇଥିଲା। ଅନେକ ହେରାଫେରି ମାମଲାରେ ଅଭିଯୁକ୍ତ ଇକବାଲ କାସକରଙ୍କୁ ଦୀର୍ଘ ଦିନ ଧରି ଥାନେ ସେଣ୍ଟ୍ରାଲ ଜେଲରେ ରଖାଯାଇଥିଲା। ତାଙ୍କୁ MCOCA ଅଧିନିୟମ ଅନୁଯାୟୀ ଗିରଫ କରାଯାଇଥିଲା | ଚୋରା ଚାଲାଣ ଠାରୁ ଆରମ୍ଭ କରି ହେରଫେର ପର୍ଯ୍ୟନ୍ତ ମାମଲାଗୁଡ଼ିକ ପାଇଁ ଇକବାଲ କାସକ ସବୁବେଳେ ମୁଖ୍ୟ ଖବରରେ ରହିଥାଏ |
