ବାସ୍ତବବ୍ୟୁରୋ:(ମନୋଜ ମହାନ୍ତି)ଆଜି ଘଷିପୁରା ଥାନା ଅନ୍ତର୍ଗତ ପୋଡ଼ା ଖମଣ ଗାଁ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ହୋଇଛି । ଦୁର୍ଘଟଣା ସ୍ଥଳରେ ଦଣ୍ଡପଣି ରେଡ୍ଡୀ ନାମକ ବ୍ୟକ୍ତିଙ୍କର ମୃତ୍ୟୁ ହୋଇଥିବାବେଳେ ଅନ୍ୟଜଣେ ବ୍ୟକ୍ତି ଗୁଡୁ ବେହେରାଙ୍କ ର କଟକ ବଡ ଡାକ୍ତରଖାନାରେ ମୃତ୍ୟୁ ହୋଇଛି । ମୃତ୍ୟୁବରଣ କରିଥିବା ଦୁଇଜଣ ଙ୍କ ସମେତ ସମୁଦାୟ ତିନି ଜଣ ବ୍ୟକ୍ତି କମ୍ପାନୀ କାମ ସାରି ଭୋର ୪-୩୦ ରେ OD02BE7444 କାରରେ ବଡ଼ବିଲରୁ ଭୁବନେଶ୍ୱର ଅଭିମୁଖେ ବାହାରିଥିଲେ ।
ହେଲେ ପୋଡ଼ା ଖମଣ ଗାଁ ନିକଟରେ ଡ୍ରାଇଭରର ଆଖି ଲାଗିଯିବାରୁ ରାସ୍ତାକଡରେ ପୂର୍ବରୁ ଠିଆହୋଇଥିବା ଟ୍ରକ ପଛ ପାଖରେ କାର ଟି ମାଡ଼ ହୋଇଥିଲା । ଡ୍ରାଇଭର ସମେତ ତିନି ଯାତ୍ରୀଙ୍କୁ ଘଷିପୁରା ପୋଲିସ ଉଦ୍ଧାର କରି ନିକଟସ୍ଥ ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରିଥିଲେ । ସେଠାରେ ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟମାନଙ୍କୁ କଟକ ବଡ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା | ସେଠାରେ ଆଉ ଜଣଙ୍କର ମଧ୍ୟ ମୃତ୍ୟୁ ହୋଇଛି । ଡ୍ରାଇଭର ସମେତ ଅନ୍ୟଜଣେ ଯାତ୍ରୀ କଟକ ବଡ ଡାକ୍ତରଖାନାରେ ଗୁରୁତର ଅବସ୍ଥାରେ ଚିକିଶ୍ଚିତ ହେଉଛନ୍ତି ।
