ବାସ୍ତବବ୍ୟୁରୋ:କଟକ:(ଦୀପକ୍ କୁମାର ବେଉରା) ରାସ୍ତାକୁ ଓହ୍ଲାଇଲା ରିଟେଲ ଡିଲର ସଙ୍ଘ । କୋଭିଡ ମହାମାରୀ ସମୟରେ ନିୟମିତ ଆଧାରରେ ଗରିବ କଲ୍ୟାଣ ଯୋଜନାରେ ହିତାଧିକାରୀଙ୍କୁ ଚାଉଳ ଗହମ ଯୋଗାଇ ଆସୁଛନ୍ତି । ହେଲେ ଏଯାବତ ରାଜ୍ୟ ସରକାରଙ୍କ ପକ୍ଷରୁ କମିଶନ ମିଳିନଥିବାରୁ ଅସନ୍ତୋଷ ପ୍ରକାଶ କରିଛି ସଂଘ ।କେନ୍ଦ୍ର ସରକାର କମିଶନ ବାବଦକୁ କୋଟି କୋଟି ଟଙ୍କା ରାଜ୍ୟ ସରକାରଙ୍କୁ ପଠାଇ ସାରିଥିଲେ ସୁଦ୍ଧା ଏଯାବତ ରାଜ୍ୟ ସରକାର କମିଶନ ବାବଦକୁ କୌଣସି ଟଙ୍କା ଦେଇନଥିବା ଅଭିଯୋଗ କରିଛନ୍ତି । ତେଣୁ ଖୁବଶୀଘ୍ର ଏହି ସମସ୍ୟା ର ସମାଧାନ ସରକାର କରନ୍ତୁ ବୋଲି ସଂଘ ଦାବି କରିଛି । ନଚେତ ଆଗାମୀ ଦିନରେ ଡିଲରରେ ଯୋଗାଣ କାର୍ଯ୍ୟ ବନ୍ଦ କରିବ ବୋଲି ଚେତାବନୀ ଦେଇଛି ସଙ୍ଘ ।
