ଚୌଦ୍ୱାର:(ଦୀପକ୍ କୁମାର ବେଉରା)କଟକ ଜିଲ୍ଲାର ଟାଙ୍ଗୀ ଥାନା ଅନ୍ତର୍ଗତ ପୁରୁଣା ନିର୍ଗୁଣ୍ଡି ଟୋଲ ଗେଟ ନିକଟରେ ଥିବା ସାଇରାମ ରୋଡ଼ ଲାଇନସ ଟ୍ରାନ୍ସପୋର୍ଟ କର୍ମଚାରୀ ଙ୍କୁ ଗଳା କାଟି ବିଭର୍ଚ୍ଛ ହତ୍ୟା କରାଯାଇଛି।ମୃତ ବ୍ୟକ୍ତି ଜଣଙ୍କ ଚୌଦ୍ୱାର ଓଟିଏମ୍ କଲୋନୀ ର ଅଶୋକ ମହାନ୍ତି ବୋଲି ଜଣାପଡିଛି।ଗତକାଲି ରାତ୍ରି ପ୍ରାୟ ୯ ଘଟିକା ସମୟରେ କୌଣସି କାରଣରୁ କିଛି ଲୋକଙ୍କ ସହ ତାର ଝଗଡା ହେଇଥିଲା ଏବଂ ସେମାନେ ତାକୁ ଘଟଣା ସ୍ଥଳରେ ଗଳା କାଟି ହତ୍ୟା କରିଥିଲେ।
ହତ୍ୟାକାଣ୍ଡ ପରେ ସେଠାରେ ଉପସ୍ଥିତ ଥିବା ହୋଟେଲ ଓ ଅନ୍ୟାନ୍ୟ ଦୋକାନୀ ମାନେ ବନ୍ଦ କରି ଘଟଣା ସ୍ଥଳରୁ ଫେରାର ହୋଇଯାଇଥିଲେ।ଖବର ପାଇ ଘଟଣା ସ୍ଥଳରେ ଚୌଦ୍ୱାର ଏସ୍ ଡି ପି ଓ ସତ୍ୟବ୍ରତ ଲେଙ୍କା ପହଞ୍ଚି ମୃତ ଶରୀରକୁ ବ୍ୟବଛେଦ ପାଇଁ କଟକ ବଡ ମେଡିକାଲ କୁ ପଠାଇ ତଦନ୍ତ ଆରମ୍ଭ କରିଛନ୍ତି।ଟାଙ୍ଗୀ ପୋଲିସ ମଧ୍ୟ ଘଟଣା ସ୍ଥଳ ରେ ପହଞ୍ଚି ଛାନବିନ ଆରମ୍ଭ କରିଛି ଏବଂ ଖୁବ ଶୀଘ୍ର ଅପରାଧୀ ଧରା ପଡିବେ ବୋଲି ସୂଚନା ଦେଇଛନ୍ତି।
