କାମାକ୍ଷାନଗର-କେନାଲରେ ବୁଡି ନାବାଳିକା ମୃତ୍ୟୁ। ମୃତ ନାବାଳିକା ହେଲେ କାମାକ୍ଷାନଗର ଥାନା ସାରୁଆଳି ପଞ୍ଚାୟତ କଟା ଗ୍ରାମର ତପନ ମୁଣ୍ଡାଙ୍କ ୧୩ବର୍ଷର ନାବାଳିକା ରାଧି ମୁଣ୍ଡା। ଆଜି ଦିନ ୧୨ଟା ସମୟରେ ରାଧି ଓ ୩ଜଣ ସାଙ୍ଗ ସହ ଗ୍ରାମ ନିକଟସ୍ଥ କେନାଲକୁ ଗାଧୋଇବା କୁ ଯାଇଥିଲେ। ଗାଧୋଇବା ବେଳେ ଅସାବଧାନତା ବସତ କେନାଲର ଗଭିର ଜଳ ଭିତରକୁ ଖସିଯାଇଥିଲେ।
କେନାଲରେ ପାଣି ଅଧିକ ଥିବାରୁ ପାଣିରେ ବୁଡି ଯାଇଥିଲେ। ଦିର୍ଘ ସମୟ ଧରି ପାଣିରୁ ରାଧି ନବାହାରିବାରୁ ସାଙ୍ଗମାନେ ଆସି ପରିବାର ଲୋକଙ୍କୁ ଖବର ଦେଇଥିଲେ। ଖବର ପାଇ ପରିବାର ଲୋକେ ଆସି ବହୁଖୋଜା ଖୋଜି କରି ଦିର୍ଘ ସମୟ ପରେ ଉଦ୍ଧାର କରିଥିଲେ। ଉଦ୍ଧାର କରି ତୁରନ୍ତ କାମାକ୍ଷାନଗର ମେଡିକାଲ ଭର୍ତ୍ତି କରିଥିଲେ। କିନ୍ତୁ ଏଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।
