କଟକ:(ଦୀପକ୍ କୁମାର ବେଉରା)କଟକ ଜିଲ୍ଲାରେ ମହାମାରୀ କୋଭିଡ ସଂକ୍ରମଣ ଧୀରେଧୀରେ ନିୟନ୍ତ୍ରଣ କୁ ଆସୁଛି ।କଟକ ସହର ଅପେକ୍ଷା ଗ୍ରାମାଞ୍ଚଳରେ କୋଭିଡ ସଂକ୍ରମଣ ପ୍ରତିଶତ ଅଧିକ ରହିଥିଲା । ଏଥିରେ ରୋକ ଲଗାଇବା ପାଇଁ କଟକ ଜିଲ୍ଲା ପ୍ରଶାସନ ପକ୍ଷରୁ ପ୍ରସ୍ତୁତ ହୋଇଥିଲା ସ୍ୱତନ୍ତ୍ର ବ୍ଲୁ ପ୍ରିଣ୍ଟ୍ । ଯାହାର ଫଳପ୍ରଦ ହୋଇଛି ବୋଲି କଟକ ଜିଲ୍ଲା ପ୍ରଶାସନ ସୂଚନା ଦେଇଛି । କଟକ ଗ୍ରାମାଞ୍ଚଳରେ ଥିବା ୧୯୦୦ ଗାଁରୁ ୧୨୦୦ରୁ ଅଧିକ ଗାଁ ଏବେ ଗ୍ରୀନ ଜୋନରେ ରହିଛି । ଏହାସହ କୋଭିଡ ସଂକ୍ରମିତଙ୍କ ସଂଖ୍ୟା ମଧ୍ୟ ହ୍ରାସ ପାଇଛି ।
ଜିଲ୍ଲାରେ କୋଭିଡକୁ ନେଇ ଚିକିତ୍ସା ଦିଗରେ ବହୁ ସଚେତନତା କରାଯାଇଥିଲା ।ଯାହା ଏବେ ଫଳପ୍ରଦ ହେଇଛି । ବର୍ତ୍ତମାନ ଅଧିକାଂଶ ସ୍ଥାନରେ ସଂକ୍ରମିତଙ୍କ ସଂଖ୍ୟା ୧ରୁ ୨ ପ୍ରତିଶତ ରହିଛି । ଆଗାମୀ ଦିନରେ ଏହା ଆହୁରି କମିବା ନେଇ ଆଶା କରାଯାଉଛି । ସଂକ୍ରମିତଙ୍କ ସଂଖ୍ୟା କମୁଥିବାରୁ କେତେକ କୋଭିଡ ସେଣ୍ଟରକୁ ବନ୍ଦ କରାଯାଇଛି ।ପୂର୍ବରୁ ୧୦ରୁ ଅଧିକ ସଂକ୍ରମିତ ହେଲେ ସେହି ଅଞ୍ଚଳକୁ ରେଡ ଜୋନ ଘୋଷଣା କରାଯାଉଥିଲା । କେତେକ ସ୍ଥାନରେ ଏହି ସଂଖ୍ୟା ୪୦ରୁ ୫୦ ମଧ୍ୟ ହୋଇଥିଲା । କଟକରେ କୋରୋନାର ସମୂଳ ନାଶ ପାଇଁ ଯୋଜନା ଏବେ ବି ଜାରି ରହିଥିବା କଥା କହିଛନ୍ତି କଟକ ଜିଲ୍ଲାପାଳ ଭବାନୀ ଶଙ୍କର ଚୟିନୀ ।
