ବାସ୍ତବ ବ୍ୟୁରୋ(ଭୁବନେଶ୍ୱର) : ସଡ଼କ ଦୁର୍ଘଟଣାରେ ପ୍ରଭାବିତ ହୋଇଥିବା ବ୍ୟକ୍ତିମାନଙ୍କୁ ତୁରନ୍ତ ଚିକିତ୍ସା ସୁବିଧା ପ୍ରଦାନ କରିବାକୁ ରାଜ୍ୟ ସରକାର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛନ୍ତି । ଏହି ନିଷ୍ପତ୍ତି ଅନୁସାରେ ସଡ଼କ ଦୁର୍ଘଟଣାରେ ଆହତ ହୋଇଥିବା ବ୍ୟକ୍ତିଙ୍କୁ ୪୮ ଘଣ୍ଟା ମଧ୍ୟରେ ମାଗଣା ଚିକିତ୍ସା ଯୋଗାଇଦିଆଯିବ । ସରକାରୀ ହସପିଟାଲରେ ପୂର୍ବରୁ ଏହା ଉପଲବ୍ଧ ହେଉଥିବାବେଳେ ଏବେ ଘରୋଇ ହସପିଟାଲରେ ମଧ୍ୟ ଏହି ସେବା ଉପଲବ୍ଧ ହେବ । ପ୍ରାରମ୍ଭିକ ଅବସ୍ଥାରେ କଟକର ଅଶ୍ୱିନୀ ହସପିଟାଲ, ଭୁବନେଶ୍ୱରର ଆପୋଲୋ ଓ ଆମରିରେ ଏହି ବ୍ୟବସ୍ଥା ଉପଲବ୍ଧ ହେବ । ଟ୍ରମା ଫଣ୍ଡ ( ଦୁର୍ଘଟଣା ପାଣ୍ଠି)ରୁ ଏହି ଖର୍ଚ୍ଚ ସରକାର ଭରଣା କରିବେ । ଏ ସଂପର୍କରେ ସବିଶେଷ ସୂଚନା ସ୍ୱାସ୍ଥ୍ୟ ବିଭାଗର ଡିଏମଇଟି ଓଡ଼ିଶା େଓ୍ଵବସାଇଟରେ ଉପଲବ୍ଧ ରହିଛି ।
