ଭୁବନେଶ୍ୱର(ବାସ୍ତବବ୍ୟୁରୋ): ଭୁବନେଶ୍ୱର ସ୍ଥିତ ଷ୍ଟେଟ୍ ଫୋରେନ୍ସିକ୍ ସାଇନ୍ସ ଲାବୋରେଟୋରିରେ,ଶେଷରେ ଆଜି ବିଦ୍ୟାଭାରତୀ ପଣ୍ଡାଙ୍କର ହେଲା ଲାଇ ଡିଟେକ୍ସନ। ଆପଣମାନେ ଜାଣିଥିବେ ବିଦ୍ୟାଭାରତୀ ପଣ୍ଡା ହେଉଛନ୍ତି ପାରଳାଖେମୁଣ୍ଡି ସହକାରୀ ବନ ସଂରକ୍ଷକ(ଏସିଏଫ୍) ସୌମ୍ୟରଞ୍ଜନ ମହାପାତ୍ରଙ୍କ ପତ୍ନୀ। ଜୁଲାଇ ୧୩ ତାରିଖରେ ସୌମ୍ୟରଞ୍ଜନଙ୍କର ମୃତ୍ୟୁ ଘଟଣା ସାରା ଓଡ଼ିଶାରେ ଚାଞ୍ଚଲ୍ୟ ସୃଷ୍ଟି କରିଥିଲା ।
ଏସିଏଫ୍ ସୌମ୍ୟ ରଂଜନଙ୍କ ମୃତ୍ୟୁ ଘଟଣାର ଦୁଇ ମାସ ପରେବି,ତଦନ୍ତକାରୀ ସଂସ୍ଥାର ହାତ ଖାଲି।ଖୋଲୁନି ମୃତ୍ୟ ରହସ୍ୟର ତାଲା ।ତଦନ୍ତକାରୀ ସଂସ୍ଥା ଉପରୁ ଆସ୍ଥା ତୁଟାଇବାରେ ଲାଗିଛି ସୌମ୍ୟଙ୍କ ପରିବାର ଲୋକଙ୍କର ।ଏଥିପାଇଁ ଦିନକୁ ଦିନ ସୌମ୍ୟଙ୍କ ପରିବାର ଲୋକଙ୍କ ଭିତରେ ଅସନ୍ତୋଷ ବୃଦ୍ଧି ପାଉଛି ।ତେଣୁ ମୃତ ସୌମ୍ୟଙ୍କ ବାପା ଓ ଭାଇ ସିବିଆଇ ତଦନ୍ତ ଦାବି କରୁଛନ୍ତି ।
ଆଜି ବିଦ୍ୟାଭାରତୀଙ୍କୁ ୮୦ ଟିରୁ ଅଧିକ ପ୍ରଶ୍ନ ପଚରା ଯାଇଥିଲା। ଯେମିତି- ସୌମ୍ୟ କିପରି ଭାବେ ଜଳିଗଲେ?ବୈବାହିକ ଜୀବନରେ କିଛି ବିବାଦ ଥିଲା କି? ଡିଏଫ୍ଓଙ୍କୁ ସେ ଜାଣିଥିଲେ କି ନାହିଁ?ମିଳିଥିବା ରିଲେସନସିପ୍ ଏଗ୍ରିମେଣ୍ଟ ସତ ନା ମିଛ? କିଏ ଓ କେତେବେଳେ ସେହି ଏଗ୍ରିମେଣ୍ଟ କରିଥିଲା?ଘଟଣା ସଂପର୍କରେ କିଏ ପ୍ରଥମେ ଜଣାଇଥିଲା? କାହାର ନିଷ୍ପତ୍ତି କ୍ରମେ ସୌମ୍ୟଙ୍କୁ କଟକ ସ୍ଥାନାନ୍ତର କରାଯାଇଥିଲା? ଏହିପରି ଅନେକ ଗୁରୁତ୍ୱପୂର୍ଣ୍ଣ ପ୍ରଶ୍ନ ଡିଟେକ୍ସନ ଟେଷ୍ଟ ବେଳେ ପଚରାଯାଇଥିବାନେଇ ,ବିଶେଷ ସୂତ୍ରରୁ ସୂଚନା ମିଳିଛି।
