ସୁବର୍ଣପୁର(ଶାନ୍ତନୁ ପଣ୍ଡା) ସୁବର୍ଣପୁର ଜିଲ୍ଲା ବିନିକା ବ୍ଲକ ବାଙ୍କୀଘିର୍ଡି ପଞ୍ଚାୟତ ସାରଙ୍ଗପାଲି ଗ୍ରାମରେ ଜଣେ ସ୍ୱାମୀ ତା ସ୍ତ୍ରୀ କୁ ମାଡ଼ମାରି ତାର ୨ବର୍ଷ ର ଶିଶୁକୁ ଲୁଚେଇ ରଖିଥିଲା |ସ୍ତ୍ରୀ ଥାନାର ଦ୍ୱାରସ୍ତ ହେବା ପରେ ତାର ଶିଶୁ କୁ ଫେରି ପାଇଛି | ସୂଚନାଯୋଗ୍ୟ ଯେ ସାରଙ୍ଗପାଲି ଗ୍ରାମର କୀର୍ତନ ସନ୍ୟାସୀ ସିନ୍ଦୁରପୁର ପଞ୍ଚାୟତ ସାଲମାଟିକ୍ରା ର ଗଣେଶ କୁଅର ଙ୍କ ଝିଅ ଲକ୍ଷ୍ମୀପ୍ରିୟା ଙ୍କୁ 3ବର୍ଷ ପୂର୍ବରୁ ବିବାହ କରିଥିଲେ | ଉଭୟ ସ୍ୱାମୀ ସ୍ତ୍ରୀ ଙ୍କ ମଧ୍ୟରେ ବିଭିନ୍ନ ସମୟରେ ମନ ମାଳିନ ରହୁଥିଲା |
ଗତ ୧୯ ତାରିଖ ସେମାନଙ୍କ ମଧ୍ୟରେ ଝଗଡା ହେବାରୁ ଝିଅ ର ଭାଇ ତାଙ୍କ ଘରକୁ ଆସିଥିଲା |ତାକୁ ମଧ୍ୟ କୀର୍ତ୍ତନ ଏବଂ ତାଙ୍କ ବାପା ମାଡ଼ ମାରିବାକୁ ଉଦ୍ୟମ କରିବାରୁ ସେ ପ୍ରାଣ ବିକଳରେ ସେଠାରୁ ପଳାଇଥିଲେ | ପରେ ଝିଅ ର ବାପା ମା ଝିଅ କୁ ଆଣିବା ପାଇଁ ସରଙ୍ଗପାଲି କୁ ଯାଇଥିଲେ | ସେଠାରେ ବହୁ ଉତ୍ତେଜନା ସ୍ବର୍ତେ ଝିଅ କୁ ଉଦ୍ଧାର କରିବାକୁ ସଫଳ ହୋଇଥିଲେ ହେଁ ଝିଅ ର ୨ ବର୍ଷ ର ଶିଶୁ ପୁତ୍ର କୁ ବାପା ଲୁଚାଇ ଦେବାରୁ ତାକୁ ଉଦ୍ଧାର କରି ପାରିନଥିଲେ | ସେଠାରୁ ଆସି ଲକ୍ଷ୍ମୀପ୍ରିୟା ମୋ ସ୍ୱାମୀ ମୋ ଶିଶୁ କୁ ମୋଠାରୁ ଅଲଗା କରି ଲୁଚାଇ ଦେଇଛି କହି ବିନିକା ଥାନାରେ ଲିଖିତ ଅଭିଯୋଗ କରିଥିଲେ |ପୁଲିସ ଉକ୍ତ ଗ୍ରାମ କୁ ଯାଇ ତା ସ୍ୱାମୀ ଠାରୁ ଶିଶୁ କୁ ଆଣିବା ପାଇଁ ଚେଷ୍ଟା କରିଥିଲେ ହେଁ ବିଫଳ ହୋଇଥିଲା |
ପରେ ଥାନା ରେ ଏକ ମାମଲା ରୁଜୁକରି ତଦନ୍ତ ଜାରିରହିଥିଲା | ଆଜି ଝିଅ ଙ୍କ ବାପ ଘରର ପରିବାର ଲୋକେ ସୋନପୁର ବସ୍ତିବାସିନ୍ଦା ସୁରକ୍ଷା ମଞ୍ଚ ର ସଦସ୍ୟା ମାନଙ୍କୁ ଏହି ଘଟଣା ସମ୍ପର୍କରେ ଖବର ଦେଇଥିଲେ | ସୁରକ୍ଷା ମଞ୍ଚ ର ସଭାପତି ଶ୍ରୀମତୀ ଜ୍ୟୋତିର୍ମୟୀ ରଥ ଏବଂ ଅନ୍ୟାନ୍ୟ ସଦସ୍ୟା ବିନିକା ଥାନାକୁ ଆସି ପୁଲିସ ଷ୍ଟାପ ସହ ଶିଶୁ କୁ ଉଦ୍ଧାର କରିବା ପାଇଁ ସାରଙ୍ଗପାଲି କୁ ଯାଇଥିଲେ |
ସେଠାରେ ପହଂଚିବାପରେ ଶିଶୁ ର ବାପା କୀର୍ତନ ଏବଂ ତାଙ୍କ ମା ଏମାନଙ୍କୁ ଦେଖି ଶିଶୁ କୁ ଲୁଚାଇବା ପାଇଁ ଚାଷଜମି ମଧ୍ୟରେ ଦୌଡ଼ି ପଳାଉଥିଲେ | ହେଳେ ସୁରକ୍ଷା ମଞ୍ଚ ର ସଦସ୍ୟା ଏବଂ ଥାନା ଏସଆଇ ପୁଷ୍ପଲତା ଲେଙ୍କା ଙ୍କ ପ୍ରାୟ ୨ଘଣ୍ଟା ଉଦ୍ୟମ ପରେ ଶିଶୁ କୁ ଉଦ୍ଧାର କରିଥିଲେ |ଶିଶୁ ବିନିକା ଥାନାକୁ ଆଣିବା ପରେ ତାର ମା କୁ ଶିଶୁ କୁ ହସ୍ତାନ୍ତର କରାଯାଇଛି | ଏବଂ କୀର୍ତ୍ତନ କୁ ଥାନାରେ ଅଟକ ରଖି ଅଧିକ ତଦନ୍ତ ଜାରିରହିଛି |
