ପ୍ରଶାନ୍ତ କୁମାର ଦାସ (ବାଲିଆପାଳ) ‘ଯୁବ ବିକାଶ’ ସଂଗଠନତରଫରୁ ବନ୍ୟା ରେ ଦୀର୍ଘ ଦିନ ଧରି ବୁଡି ରହିଥିବା ଏବଂ ବାହ୍ୟ ଜଗତରୁ ବିଛିନ୍ନ ହୋଇଥିବା ବାଲିଆପାଳ ବ୍ଲକ୍ ଅସ୍ତି ପଞ୍ଚାୟତର ପଳାଚମ୍ପି ଗାଁ ରେ ତିନିଦିନ ରନ୍ଧା ଖାଦ୍ୟ ବଣ୍ଟନ କରାଗଲାବାଲିଆପାଳ ବ୍ଲକର ଅସ୍ତୀ ଗ୍ରାମ ପଞ୍ଚାୟତ ଅନ୍ତର୍ଗତ ପଳାଚମ୍ପି ଗ୍ରାମରେ ବନ୍ୟା ବିପନ୍ନ ଲୋକଙ୍କୁ ତିନିଦିନ ଧରି ବାଲେଶ୍ଵର ଯୁବ ବିକାଶ ତରଫରୁ ରନ୍ଧା ଖାଦ୍ୟ ବଣ୍ଟନ କରାଯାଇଛି।
ଯୁବ ବିକାଶ’ ସଂଗଠନର ସ୍ୱଛାସେବୀ ପୂର୍ଣ୍ଣ ଚନ୍ଦ୍ର ଜେନାଙ୍କ ସହଯୋଗରେ ବାଲେଶ୍ଵର ଯୁବ ବିକାଶ ସଂଗଠନର ର ମୁଖ୍ୟ ଗୋବିନ୍ଦ ଦଳାଇ , ବସନ୍ତ ଦଳାଇ ଏବଂ ନିମାୟ ଚରଣ ପ୍ରଧାନ ଉକ୍ତ ବନ୍ୟା ପ୍ରଭାବିତ ଗ୍ରାମକୁ ଯାଇ ଲୋକ ମାନଙ୍କର ସ୍ଥିତି ଅନୁଧ୍ୟାନ କରି ଥିଲେ। ସ୍ଥିତି ଅନୁଧ୍ୟାନ ଏକ ସାଧାରଣ ବୈଠକ କରି କହିଥିଲେ।
ଲୋକମାନଙ୍କର ଆର୍ଥିକ ମାନଦଣ୍ଡ ର ବୃଦ୍ଧି ପାଇଁ ବିଭିନ୍ନ ଯୋଜନା ସମ୍ପର୍କରେ ଆଲୋଚନା କରିଥିଲେ ଆଲୋଚନା ପରେ ଉକ୍ତ ଗ୍ରାମରେ ୩୫୦ ଜଣ ଲୋକଙ୍କୁ ତିନିଦିନ ରନ୍ଧା ଖାଦ୍ୟ ଦେବାର ସିଦ୍ଧାନ୍ତ ହୋଇ ଶନିବାର ଠାରୁ ସୋମବାର ଯାଏ ସଂଗଠନ ତରଫରୁ ଲୋକ ମାନଙ୍କୁ ରନ୍ଧା ଖାଦ୍ୟ ବଣ୍ଟନ କରାଯାଇଥିଲା। ଏହା ଛଡ଼ା ଅସ୍ତୀ ପଞ୍ଚାୟତର ବିଭିନ୍ନ ଗ୍ରାମରେ ଲୋକ ମାନଙ୍କୁ ଶୁଖିଲା ଖାଦ୍ୟ ଏବଂ ପଲିଥିନ ବଣ୍ଟନ କରାଯାଇଛି। “ଯୁବ ବିକାଶ ସଂଗଠନ”ର ଏଭଳି ମହତ୍ କାର୍ଯ୍ୟ ପାଇଁ ଏ ଅଞ୍ଚଳର ବୁଦ୍ଧିଯୀବି ମାନଙ୍କ ତରଫରୁ ଭୂରିଭୂରି ପ୍ରଶଂସା କରାଯାଉଛି ।
