ବିମଲ ଯୋଷୀ(ପାଟଣାଗଡ)-୧୭/୧୦:ବଲାଙ୍ଗୀର ଜିଲ୍ଲା ପାଟଣାଗଡ ଭରତବାହାଲ ଗାଁରେ ଘଟିଛି ଏକ ଅଭାବନୀୟ ଘଟଣା । ସ୍ୱାମୀର ଟାଙ୍ଗିଆ ଚୋଟରେ ସ୍ତ୍ରୀ ମୃତ୍ୟୁ ଘଟିଛି।
ମିଳିଥିବା ଖବର ଅନୁସାରେ,ଗତ ସନ୍ଧ୍ୟା(ଶନିବାର) ସମୟରେ ପୁରନ୍ଦର ପ୍ରଚୁର ମଦ୍ୟପାନ କରି ଘରକୁ ଫେରି,ଘରେ ପତ୍ନୀ ଅମ୍ବିକା ପୋଷି ଥିବା ଏକ ଠେକୁଆକୁ ମାରି ମାଂସ ଖାଇବାକୁ ଜିଦ୍ ଧରିଥିଲା ।ଏହାକୁ ବିରୋଧ କରିଥିଲେ ପତ୍ନୀ ଅମ୍ବିକା ।ଏଥିରେ ମଦ୍ୟପ ପୁରନ୍ଦର ଉତକ୍ଷିପ୍ତ ହୋଇ ଏକ ଟାଙ୍ଗିଆରେ ଅମ୍ବିକାଙ୍କ ମୁଣ୍ଡକୁ ଆକ୍ରମଣ କରିଥିଲା ।
ଫଳତଃ ଘଟଣାସ୍ଥଳରେ ପତ୍ନୀଙ୍କ ମୃତ୍ୟୁ ଘଟିଥିବା ବେଳେ ପୁରନ୍ଦର ଫେରାର ହୋଇଛି । ଖବର ପାଇ ଲରମ୍ଭା ପୋଲିସ, ସାଇଣ୍ଟିଫିକ୍ ଟିମ୍ ପାଟଣାଗଡ ଉପଖଣ୍ଡ ମାଜିଷ୍ଟ୍ରେଟ କ୍ଷିରୋଦ ସାହୁଙ୍କ ଉପସ୍ଥିତିରେ ଅଧିକ ତଦନ୍ତ ଜାରି ରଖିଛନ୍ତି ।
