ଦୁଃଶାସନ ପୃଷ୍ଟି(କାମାକ୍ଷାନଗର):୨୧।୧୦-ପୁଣି ଗଜୁରିଛି ଭଣ୍ଡ ସାରଥୀ ପ୍ରେମ ।ବାପା-ପୁଅ ଙ୍କୁ ଉଠାଇ ନେଲା ପୋଲିସ । ଗ୍ରାମବାସୀଙ୍କ ତରଫରୁ ଥାନାରେ ଲିଖିତ ଅଭିଯୋଗ ପରେ ଏ ପରି ପଦକ୍ଷପ ନେଇଛନ୍ତି ପରଜଙ୍ଗ ପୋଲିସ ।
ଖବର ଅନୁଯାଇ,ପରଜଙ୍ଗ ବ୍ଲକ୍ କନ୍ଦରସିଂହା ଗ୍ରାମ ଖଳିବାହାଳ ସାହିର ବହୁ ଚର୍ଚ୍ଚିତ ଭଣ୍ଡ ସାରଥୀ ର ଭକ୍ତ ବୋଲାଉଥିବା ଦିବାକର ନାଥ ଓ ପୁଅ ସୁକାନ୍ତ ନାଥ ।ସାରଥୀକୁ ପୂଜା କରିବା ସହିତ ସାରଥୀ ଫଟୋରୁ ମହୁ ଓ ଲହୁଣୀବାହାରୁଥିବା,ଦିବାକର ପରିବାର ଲୋକେ ଦାବି କରି ଆସୁଥିଲେ ।
ଯାହାଦ୍ବାରା ଦିବାକର ଘରକୁ ଦୂର ଦୁରାନ୍ତରୁ ଭଣ୍ଡ ସାରଥୀ ଭକ୍ତଙ୍କ ସୁଅ ଛୁଟିଥିଲା।ତେବେ ବୁଧବାର ସନ୍ଧ୍ୟା ସମୟରେ କୁମାର ପୂର୍ଣ୍ଣିମା ଥିବାବେଳେ ସେହି ପରିବାର ଲୋକେ ଦୂର ଦୁରାନ୍ତରୁ କିଛି ଭକ୍ତଙ୍କୁ ଡାକି ଭୋଜି ର ଆୟୋଜନ କରିଥିଲେ । ଏହାସହ ସାରଥୀ ଫଟୋକୁ ରଖି ପୂଜାର୍ଚ୍ଚନା କରୁଥିଲେ । ଏଥିପାଇଁ ପ୍ରଶାସନର କୌଣସି ଅନୁମତି ନଥିଲା । କୋଭିଡ୍ ନିୟମର ଖୋଲାଖୋଲି ଉଲଂଘନ ଓ ବାରମ୍ବାର ଏପରି ପ୍ରହସନରେ ଗ୍ରାମବାସୀ ଲଜ୍ଜିତ ହେବାକୁ ପଡୁଥିଲା ।
ତେଣୁ ବୁଧବାର ସନ୍ଧ୍ୟାରେ ଗ୍ରାମବାସୀ ଏକତ୍ରିତ ହୋଇ ଥାନାର ଦ୍ବାରସ୍ଥ ହୋଇଥିଲେ ।ଘଟଣାସ୍ଥଳରେ ପରଜଙ୍ଗ ପୋଲିସ ପହଞ୍ଚି ସଂପୃକ୍ତ ବାପା-ପୁଅ ଦୁଇ ଜଣକୁ ଉଠାଇ ନେଇ ଥାନାରେ ଅଟକ ରଖିଛି । ହେଲେ କେବେ ବୁଝିବେ ସାଧାରଣ ଜନତା,କେତେଦିନ ହେଉଥିବେ ଏ ପରି ଭଣ୍ଡାମୀର ଶିକାର।ଏ ନେଇ ବୁଦ୍ଧିଜୀବୀ ମହଲରେ ଅସନ୍ତୋଷ ପ୍ରକାଶ ପାଉଛି ।
