ଭଦ୍ରକ(ରିପୋଟ୍-ରଞ୍ଜନ ପଣ୍ଡା) – ଫ୍ଲାଏ ଓଭରବ୍ରିଜ୍ ନିର୍ମାଣ ଓ ସମସ୍ତ ଟ୍ରେନର ରହଣି ଦାବିକୁ ନେଇ ଆଜି କଂଗ୍ରେସ ପକ୍ଷରୁ ରେଳରୋକ କରାଯାଇଛି । ଠିକ୍ ଦୁଇମାସ ପୂର୍ବରୁ ରେଳରୋକ କରାଯାଇଥିଲା । ଏବଂ ପରେ ବିଭାଗୀୟଙ୍କ ପ୍ରତିଶୃତି ପରେ ରେଳ ରୋକ ହଟିଥିଲା ।
ସୂଚନା ଅନୁଯାୟୀ ବିଭାଗୀୟଙ୍କ ପ୍ରତିଶୃତି ମୁତାବକ ୫ଟି ଦୃତଗତି ଟେନ୍ର ରହଣି ଏବଂ ଫ୍ଲାଏ ଓଭରବ୍ରିଜ୍ ନିର୍ମାଣ ଟେଣ୍ଡର ପ୍ରକ୍ରିୟା ଫେବୃଆରୀ ୨୮ ତାରିଖରେ ହେବାକୁ ନେଇ ପ୍ରତିଶୃତି ଦେବା ପରେ ଆନ୍ଦୋଳନ ହଟିଥିଲା । କିନ୍ତୁ ଫେବୃଆରୀ ୨୮ ଯାଇସାରିବା ପରେ ମଧ୍ୟ ସେମିତି କିଛି ପ୍ରତିଶୃତି ମୁତିବକ କାମ ଦେଖିବାକୁ ମିଳିନଥିଲା । ତେଣୁ କଂଗ୍ରେସ ମହଲରେ ତିବ୍ର ଅସନ୍ତୋଷ ଦେଖା ଦେବା ସହ ଦଳ ବାଧ୍ୟହୋଇ ପୁଣି ଥରେ ଆନ୍ଦୋଳନକୁ ଓହ୍ଲାଇଥିବା ଦେଖିବାକୁ ମିଳିଛି । ତେବେ କଂଗ୍ରେସର କହିବା ଅନୁଯାୟୀ ସନ୍ତ୍ରାଗଛି-ତିରୁପତି, ସନ୍ତ୍ରାଗଛି-ବାଙ୍ଗାଲୋର,ହଳଦିଆ-ଚେନ୍ନାଇ, ପୁରୀ-ବେଲାପୁର, ଖଡଗପୁର-ବେଲାପୁର, ପରି ଏକ୍ସପ୍ରେସ୍ ଟ୍ରେନ୍ ଅନ୍ୟ ସବୁ ଷ୍ଟେସନରେ ରହୁଥିବାବେଳେ ଭଦ୍ରକ ପରି ଏକ ଗୁରୁତ୍ୱପୂର୍ଣ୍ଣ ଷ୍ଟେସନରେ ଏସବୁ ନରହିବା ଅତି ଦୁର୍ଭାଗ୍ୟଜନକ ।
ଏବଂ ଭଦ୍ରକ ଚରମ୍ପା ତାରିଣୀ ମନ୍ଦିର ଲେବୁଲ କ୍ରସିଂ ଠାରେ ଏକ ଫ୍ଲଏ ଓଭରବ୍ରିଜ୍ ନଥିବାରୁ ରାସ୍ତାର ଉଭୟ ପାଶ୍ୱର୍ରେ ଥିବା ଲୋକ ନାହିଁ ନଥିବା ଅସୁବିଧାର ସମ୍ମୁଖିନର ହେବାର ଦେଖିବାକୁ ମିଳୁଛି । ଏଥିସହ ଜରୁରୀ କାଳୀନ ପରିସ୍ତିତିରେ ମଧ୍ୟ ବାଧ୍ୟହୋଇ ଲୋକ ମାନେ ଉଭୟ ପାର୍ଶ୍ୟରେ ଅଟକି ରହୁଛନ୍ତି । ତେଣୁ ଏନେଇ ବାରମ୍ବାର ରେଳ କର୍ତୃପକ୍ଷଙ୍କୁ ଅବଗତ କରାଇଥିଲେ ମଧ୍ୟ ଏହାର କୌଣସି ସମାଧାନର ସୂତ୍ର ବାହାର କରୁନାହାନ୍ତି । ତେଣୁ ବାଧ୍ୟହୋଇ କଂଗ୍ରେସକୁ ଏ ଚରମ ପଦକ୍ଷେପ ନେବାକୁ ପଡ଼ିଲା ବୋଲି କହିଛି କଂଗ୍ରେସ ।
