କରଞ୍ଜିଆ ୦୨।୦୩ -ମୟୁରଭଞ୍ଜରେ ଥିବା ଆଦିମ ଜନଜାତି ଖଡ଼ିଆ ଏବଂ ମାଙ୍କିଡିଆ ସମ୍ପ୍ରଦାୟର ଗର୍ଭବତୀ ମାଆ ଓ ଶିଶୁମାନଙ୍କ ପାଇଁ ପ୍ରଥମ ଥର ପାଇଁ ଖୋଲିଲା ମାତୃ ଓ ଶିଶୁ ପୋଷଣ କେନ୍ଦ୍ର। ଶିମିଳିପାଳ ପାଦଦେଶରେ ଥିବା ଜଶୀପୁର ବ୍ଲକର ଦୁର୍ଦୁରା ଗ୍ରାମରେ ଏକ ପୋଷଣ କେନ୍ଦ୍ର ଉଦ୍ଘାଟିତ ହୋଇଯାଇଛି।
ମୟୁରଭଞ୍ଜର ଏହି ପ୍ରଥମ ପୋଷଣ କେନ୍ଦ୍ର ଓପିଲିପି ମାଧ୍ୟମରେ ମାତୃ ସୁରକ୍ଷା ଏବଂ ପୋଷଣର ବିକାଶ ନିମନ୍ତେ ପରିଚାଳିତ ହେଉଛି । ଏହି ପୋଷଣ କେନ୍ଦ୍ରକୁ କରଞ୍ଜିଆ ଉପଜିଲ୍ଲାପାଳ ଉଦ୍ଘାଟନ କରିବା ସହ କିଭଳି ଭାବେ ଉନ୍ନତମାନର ପୁଷ୍ଟିକର ଖାଦ୍ୟ ଗର୍ଭବତୀ ଓ ପ୍ରସୂତି ମାଆମାନେ ପାଇପାରିବେ, ସେନେଇ ଜଶୀପୁରରେ ଥିବା ଖଡ଼ିଆ ମାଙ୍କଡ଼ିଆ ଉନ୍ନୟନ ସଂସ୍ଥାକୁ ତଦାରଖ କରିବାକୁ ନିର୍ଦ୍ଦେଶ ଦେଇଛନ୍ତି ।
