କଟକ(ଦୀପକ ବେଉରା): କଟକ ଛତ୍ରବଜାର ପରିବା ମାର୍କେଟ ନିକଟ ଭୁଶୁଡ଼ିଲା ପୋଲ ।ଏହି ପୋଲଟି ଛତ୍ରବଜାରରୁ ମାଲଗୋଦାମ ସଂଯୋଗ କରୁଥିବା ପୋଲ । ପୋଲରେ କାମ ଚାଲିଥିବା ବେଳେ କିଛି ଅଂଶ ଭୁଶୁଡ଼ିଥିବା ଜଣାପଡ଼ିଛି। ଖବର ପାଇ ଉଦ୍ଧାରକାରୀ ଦଳ ଦୁର୍ଘଟଣାସ୍ଥଳରେ ପହଞ୍ଚିଥିଲା। ମାଟି ତଳୁ ୨ ଜଣକୁ ଉଦ୍ଧାର କରି ବଡ଼ ମେଡିକାଲ୍ରେ ଭର୍ତ୍ତି କରାଯାଇଛି। ଅନ୍ୟମାନଙ୍କୁ ଉଦ୍ଧାର କରାଯାଉଛି।
ଛତ୍ରପୁର ବଜାର ଦେଇ ଯାଇଥିବା ତାଳଦଣ୍ଡା କେନାଲର ପୁନରୁଦ୍ଧାର କାର୍ଯ୍ୟ ଚାଲିଥିଲା। ଠିକ୍ ଏହି ସମୟରେ ହଠାତ୍ ନିର୍ମାଣାଧୀନ ବ୍ରିଜ୍ ର କାଂଥ ଭୁଶୁଡ଼ି ପଡ଼ିଥିଲା। ଫଳରେ ବ୍ରିଜ୍ ତଳେ ଚାପି ହୋଇଯାଇଥିଲେ କିଛି ଲୋକ। ଏହି ଖବର ପ୍ରଚାରିତ ହେବା ପରେ ଉଦ୍ଧାରକାରୀ ଦଳ ସେଠାରେ ପହଞ୍ଚିଥିଲେ। ପ୍ରଥମେ ଜଣଙ୍କୁ ଉଦ୍ଧାର ମେଡିକାଲ୍ରେ ଭର୍ତ୍ତି କରାଯାଇଥିଲା। ପରେପରେ ଆଉ ଜଣଙ୍କୁ । ଏବେ ମଧ୍ୟ ମାଟି ତଳେ ଆଉ ଜଣେ ଦୁଇ ଜଣ ଚାପି ହୋଇଥିବା ଜଣାପଡ଼ିଛି।
ମାଟି ତଳେ ଚାପି ହୋଇଥିବା ଲୋକଙ୍କ ପରିଚୟ ମିଳିପାରି ନାହିଁ। ସେମାନେ ବ୍ରିଜ୍ ନିର୍ମାଣ କାର୍ଯ୍ୟରେ ନିୟୋଜିତ ଶ୍ରମିକ କିଂବା ପରିବା ବେପାରୀ, ହୋଇପାରନ୍ତି ।
