ଶାନ୍ତନୁ ପାତ୍ର(ନୂଆପଡା): ୨୬/୦୩- ନୂଆପଡାର ନୂଆ ଇତିହାସ ବିଜେପି ଓ ବିଜେଡି ଅଧ୍ୟକ୍ଷ ପ୍ରାର୍ଥୀଙ୍କୁ ପଛରେ ପକାଇ ବାଜି ଜିତିଲେ ସ୍ୱାଧୀନ ପ୍ରାର୍ଥୀ ।କଳାହାଣ୍ଡି ସାଂସଦ ବସନ୍ତ ପାଣ୍ଡାଙ୍କ ପୁଅ, ଅଭିନନ୍ଦନ ପଣ୍ଡା ବିଜେପି ପ୍ରାର୍ଥୀ ହୋଇଥିବାବେଳେ ଶାସକ ଦଳର ବିଜେଡି ପ୍ରାର୍ଥୀ କ୍ଷିତିଷ ଆଶୋକ ବୋଧଙ୍କର ହୋଇଥିଲେ । ହେଲେ ସ୍ବାଧିନ ପ୍ରାର୍ଥୀ ମହମ୍ମଦ ଆଦମ ୧,୨୬୭ ଭୋଟରେ ପ୍ରତିଦ୍ୱନ୍ଦୀଙ୍କୁ ହରାଇ ନୂଆପଡା ଏନଏସିର ଅଧ୍ୟକ୍ଷ ଭାବରେ ଐତିହାସିକ ବିଜୟୀ ହୋଇଛନ୍ତି ।
ନୂଆପଡା ଏନଏସିର ୧୪ ଗୋଟି ୱାର୍ଡ ମଧ୍ୟରୁ ଦୁଇଟି ୱାର୍ଡ କାଉନସିଲର ପ୍ରାର୍ଥୀ ନିର୍ଦ୍ବନ୍ଦରେ ବିଜୟୀ ହୋଇଥିଲେ ।ଅନ୍ୟ ୧୨ ଗୋଟି ୱାର୍ଡ ପାଇଁ କାଉନସିଲର ଓ ୧୪ ଗୋଟି ୱାର୍ଡରେ ଅଧ୍ୟକ୍ଷ ନିର୍ବାଚନ ହୋଇଥିଲା । ସେଥି ମଧ୍ୟରୁ ଚାରିଗୋଟି ୱାର୍ଡରେ ସ୍ବାଧିନ ପ୍ରାର୍ଥୀଙ୍କ ବିଜୟ ଓ ଅଠଗୋଟି ୱାର୍ଡରେ ବିଜୁ ଜନତା ଦଳର କାଉନସିଲର ବିଜୟୀ ହୋଇଥିବା ବେଳେ କଂଗ୍ରେସ ଏବଂ ବିଜେପି ଖାତାରେ ଗୋଟିଏ ଲେଖାଏଁ ୱାର୍ଡରେ ରହିଛି । କିନ୍ତୁ ନୂଆପଡା ଏନଏସିରେ ଅଧ୍ୟକ୍ଷ ପଦ ବିଜେଡି ୩ ନମ୍ବର ସ୍ଥାନରେ ରହିଛି। ବିଜେପି ଏବଂ ସ୍ବାଧିନ ପ୍ରାର୍ଥୀଙ୍କ ମଧ୍ୟରେ ଟକ୍କର ହୋଇଥିବା ବେଳେ ଶେଷରେ ସ୍ବାଧିନ ପ୍ରାର୍ଥୀ ମହମ୍ମଦ ଆଦମ ବହୁ ମତରେ ବିଜୟୀ ହୋଇଛନ୍ତି ।
