ଚନ୍ଦାହାଣ୍ଡି,(କାମିନୀ ରଞ୍ଜନ ପାଣ୍ଡେ): ପାନାବେଡ଼ା ଅଞ୍ଚଳର ବରପୁତ୍ର ତଥା ଓଡିଶାର ଶିଳ୍ପରାଷ୍ଟ୍ର ମନ୍ତ୍ରୀ ସ୍ଵର୍ଗୀୟ ଯାଦବ ମାଝୀଙ୍କ ତେଇଶି ତମ ଶ୍ରାଦ୍ଧ ଦିବସ ଅବସରରେ ନବରଙ୍ଗପୁର ଜିଲ୍ଲା ଅନ୍ତର୍ଗତ ଚନ୍ଦାହାଣ୍ଡି ଯାଦବ ମାଝୀ ବାଳିକା ଉଚ୍ଚ ବିଦ୍ୟାଳୟ ଠାରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି l
ଏହି ରକ୍ତ ଦାନ ଶିବିର ରେ ମୁଖ୍ୟ ଅତିଥି ଭାବେ ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀ ଓ ସମ୍ମାନିତ ଅତିଥି ରୂପେ ଝରିଗାଁ ବିଧାୟକ ପ୍ରକାଶ ଚନ୍ଦ୍ର ମାଝୀ ଯୋଗ ଦେଇଥିଲେ l ସର୍ବ ପ୍ରଥମେ ପ୍ରାତଃ ନଅ ଘଣ୍ଟିକା ସମୟରେ ଚନ୍ଦାହାଣ୍ଡି ସ୍ଥିତ ଯାଦବ ମାଝୀ ଙ୍କର ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ସ୍ଵର୍ଗୀୟ ଯାଦବ ମାଝୀଙ୍କ ସ୍ମୃତି ଚାରଣ କରାଯାଇଥିଲା l ତତ୍ପରେ ଉପସ୍ଥିତ ଅଞ୍ଚଳର ଯାଦବ ପ୍ରେମୀ ଭାଇ ଓ ଭଉଣୀ ମାନେ ଯାଦବ ମାଝୀ ଅମର ରହେ ସ୍ଲୋଗାନ୍ ଦେଇ ଅନୁଷ୍ଠିତ ରକ୍ତ ଦାନ ଶିବିର କୁ ଆସି ବହୁ ସଂଖ୍ୟାରେ ରକ୍ତଦାନ କରିବାକୁ ଧାଡ଼ି ବାନ୍ଧି ସମ୍ମିଳିତ ହୋଇ ଥିଲେ l
ନବରଙ୍ଗପୁର ଜିଲ୍ଲା ବିଜେଡ଼ି ସଂଯୋଜକ ପ୍ରମୋଦ କୁମାର ପାଢ଼ୀ ଙ୍କ ତତ୍ତ୍ଵାବଧାନରେ ଅନୁଷ୍ଠିତ ଶିବିରରେ ସର୍ବ ମୋଟ ଏକ ଶହ କୋଡ଼ିଏ ଜଣ ବ୍ୟକ୍ତି ରକ୍ତଦାନ କରିଥିଲେ l ପାଟଖଲିଆ ଗ୍ରାମ ପଞ୍ଚାୟତ ର ସର୍ବାଧିକ କୋଡ଼ିଏ ଜଣ ବ୍ୟକ୍ତି ରକ୍ତଦାନ କରିଥିବା ରୁ ପୂର୍ବତନ ସରପଞ୍ଚ ହର ପୂଜାରୀ ରକ୍ତଦାତାଙ୍କୁ ଉତ୍ତରୀୟ ପ୍ରଦାନ କରି ଉତ୍ସାହିତ କରିଥିଲେ l
ତେବେ ସମାଜ ସେବୀ ଭୀମସେନ ଡଙ୍ଗରି ଓ ରୁସୁ ଚନ୍ଦ୍ର ବାଘ ଏକ ମହତ୍ ଉଦ୍ଦେଶ୍ୟ ପୂରଣ କରିବା ତଥା ରକ୍ତ ଅଭାବରୁ କାହାରିକୁ ମରିବାକୁ ଦେବା ନାହିଁ, ଏହା ହିଁ ରକ୍ତଦାନ ଶିବିର ଆୟୋଜନ କରିବା ର ଉଦ୍ଦେଶ୍ୟ ଓ ଲକ୍ଷ୍ୟ ବୋଲି ନିଜର ପ୍ରତିକ୍ରିୟା ରେ କହିଥିଲେ l ଏହି କାର୍ଯ୍ୟକ୍ରମରେ ପୁର୍ବତନ ଜିଲ୍ଲା ପରିଷଦ ସଭ୍ୟ ଶନିନ୍ଦ୍ର କୁମାର ସୋରୀ, ନିଳେନ୍ଦ୍ରୀ ଗୌଡ଼, ବଳରାମ ପଟ୍ଟନାୟକ , ମଞ୍ଜୁଳା ମାଝୀ, ବ୍ଲକ୍ ଅଧ୍ୟକ୍ଷା ସୁମିତ୍ରା ପୂଜାରୀ, ସମିତି ସଭ୍ଯା ଗୌରୀ ନେଙ୍ଗୀ , ସମେତ ଅନେକ ଯାଦବ ପ୍ରେମୀ ଉପସ୍ଥିତ ଥିଲେ
