ପ୍ରମୋଦ ନାଏକ(ଭୁବନେଶ୍ୱର): ମୁଁ ତ କେବେ କହି ନାହିଁ, ମୁଁ ରାଜ୍ୟସଭା ଯିବି ବୋଲି,ମୁଖ୍ୟମନ୍ତ୍ରୀ କହିଥିଲେ ତେଣୁ ମୁଁ ତାଙ୍କୁ ସମ୍ମାନ ଜଣାଉଛି। ସେ ମୋର ସୁପ୍ରିମୋ ସେ କହିଥିଲେ,ରାଜ୍ୟସଭା ପାଇଁ ମୁଁ କଣ ଲାଳାୟତ ହୋଇଛି କି ? ମୋତେ ପଠାଅ ପଠାଅ ବୋଲି କହିଛି କେବେ ? ଏ ହେଉଛି ବିଜେଡିର ବରିଷ୍ଠ ନେତା ପ୍ରସନ୍ନ ପାଟ୍ଟଶାଣୀଙ୍କ ଉକ୍ତି।ରାଜ୍ୟସଭା ଟିକେଟରୁ ବଞ୍ଚିତ ହେବା ପରେ ସେ ଏପରି କହିଛନ୍ତି ।
ଶ୍ରୀ ପାଟଶାହାଣୀ ଆହୁରି ମଧ୍ୟ କହିଛନ୍ତିକି ,ଦଳର ଭଲ ପାଇଁ ଯାଇ ଲଢେଇ କରୁ। ସେ ନିଜେ କହିଥିଲେ, ସେ କଣ ଭାବିଲେ ସେ ଭିତରେ ବା ତାଙ୍କ ଭାବନା ଭିତରକୁ ମୁଁ କେମିତି ଯିବି। କାରଣ ଆମର ଏଠି ଯେଉଁମାନେ ଭଲ କାମ କରନ୍ତି କିଛି ନିନ୍ଦୁକ ଆଉ ଇର୍ଷୁକ ସମାଲୋଚନା ଆରମ୍ଭ କରି ଦିଅନ୍ତି। ମୁଁ ଦେଖିଚି, କେତେ ଦଳରେ ଥିଲି ପରା, ହାତରେ ଥିଲି, ହାତୀରେ ଥିଲି, ଚକ୍ରରେ ଥିଲି, ଶଙ୍ଖରେ, ଆଉ କେତେ ଦଳରେ ଥାନ୍ତି, ସବୁ ଦଳକୁ ଚିହ୍ନି ଦେଇଛି। ମୁଁ ଆଉ ଆଶାୟୀ ନାହିଁ । କାହିଁକି ହେବି ଆଶାୟୀ, ଆଶା ହେଉଛି ନିରାଶାର କାରଣ।
ଆପଣଙ୍କୁ ରାଜ୍ୟସଭା ଟକେଟ ଦିଆ ନଯିବା ପଛରେ କାରଣ କଣ ବୋଲିର ଉତ୍ତରରେ, ମୁଁଦଳର ସିନିୟର ଭାଇସ ପ୍ରେସିଡେଣ୍ଟ କହିବି କାହିଁକି? କାରଣଟା କାହିଁକି ଅକାରଣ ହେବ। ତେଣୁ ଏଇ ସମୟରେ ମୋ ସ୍ୱାର୍ଥ ପାଇଁ କାହା ବିରୁଦ୍ଧରେ କହିବାର ନାହିଁ, ମୁଁ ସେମିତି ଚାଲିଥିବି, ଯେ ପର୍ଯ୍ୟନ୍ତ ଦଳରେ ଥିବି। ଦଳ ଗଢ଼ିଛି ବୋଲି ମୋର ପ୍ରଚଣ୍ଡ ଦୁର୍ବଳତା ଅଛି। ଜଗନ୍ନାଥ ସବୁ ଦେଖୁଛନ୍ତି। ମୁଁ ଖାଲି ଏତିକି କହିବି ଯେଉଁ ଲୋକମାନେ ଯାଇଛନ୍ତି ଭଲ ଲୋକମାନଙ୍କୁ ପଠାଇଛନ୍ତି। ଯୁବକମାନଙ୍କୁ ପ୍ରୋତ୍ସାହନ ଦେବାର ଅର୍ଥ ଦଳ କ୍ଷମତାକୁ ଆସିବ। ମୁଁ ଆଦୌ ନିରାଶ ନୁହେଁ। ମସ୍ତିସ୍କରେ ପଜିଟିଭ ଚିନ୍ତାଧାରା ରହିବା ଆବଶ୍ୟକ। ମୁଁ ପଜିଟିଭ ଚିନ୍ତା ନେଇ ଯୋଗ କରୁଛି।
ମୁ ଆଦୌ ନିରାଶ ନୁହେଁ। ମସ୍ତିସ୍କରେ ପଜିଟିଭ ଚିନ୍ତାଧାରା ରହିବା ଆବଶ୍ୟକ। ମୁଁ ଜଣେ କବିଟିଏ, ଷାଠିଏରୁ ଅଧିକ କବିତା ଲେଖିଛି। କବି ଭାବେ ସ୍ୱୀକୃତି ମିଳିଛି ଆଉ କିଛି ଆବଶ୍ୟକତା ନାହିଁ। ମୁଁ କଣ ଅବସରପ୍ରାପ୍ତ ହୋଇଯାଇଛି ନା ବୁଢା ହୋଇଯାଇଛି, ଏବେ ଠିଆ କଲେ ବି ଜିତିବି।
