ରାକେଶ ମହାନ୍ତି(ପାଟକୁରା):ଏକ ସୁସ୍ଥ ସୁନ୍ଦର ସମାଜ ଗଠନରେ ଶିକ୍ଷକ ଓ ଜନ ନେତା ମାନଙ୍କ ଅବଦାନ ସବୁ ବେଳେ ସ୍ମରଣୀୟ ହୋଇ ରହିଆସିଛି ।ସେହି ଅଭୁଲା ମଣିଷ ଙ୍କ ଭିତରୁ ମହାନ ପୁରୁଷ ଥିଲେ ପୂର୍ବତନ ବିଧାୟକ ତଥା ସମାଜ ସେବୀ ସ୍ବର୍ଗତ ଚକ୍ରଧର ଶତପଥୀ । ସ୍ବର୍ଗତ ଚକ୍ରଧର ଶତପଥୀ ଜଣେ ପ୍ରତିଭା ସଂପନ୍ନ ବ୍ୟକ୍ତି ଥିଲେ ଏକ ଧାରାରେ ଜଣେ ସମାଜ ସେବୀ , ଜଣେ ଉତ୍ତମ ଶିକ୍ଷକ ଓଡ଼ିଆ , ଇଂରାଜୀ ଓ ସଂସ୍କୃତ ଭାଷାରେ ତାଙ୍କର ଅଗାଧ୍ୟ ପାଣ୍ଡିତ୍ୟ ଥିଲା ।
ଶିକ୍ଷକତା ଜୀବନରେ ବ୍ରତୀ ହୋଇ ଶେଷରେ ଜନ ସେବାକୁ ଆପଣେଇ ନେଇ ରାଜନୀତିରେ ପାଦ ଦେଇଥିଲେ। ୧୯୬୭ମସିହା ରେ ଓଡ଼ିଶା ବିଧାନସଭା ନିର୍ବାଚନରେ ସଦା ଚର୍ଚ୍ଚିତ ପାଟକୁରା ନିର୍ବାଚନ ମଣ୍ଡଳୀର, ପାର୍ଥି ଭାବେ ନାମାଙ୍କନ ଭରିଥିଲେ, ପ୍ରଜା ସୋଷାଲିଷ୍ଟ ପାର୍ଟିରୁ । ଆଉ ଲଢେଇ ହୋଇଥିଲା ଓଡ଼ିଶାର ବରପୁତ୍ର ଗର୍ବ ଆଉ ଗୌରବ ବିଜୁ ପଟ୍ଟନାୟକ ଙ୍କ ସହିତ ।ପାଟକୁରା ବାସୀଙ୍କ ସ୍ନେହ ଶ୍ରଦ୍ଧା ଓ ଅମାୟିକ ଭଲପାଇବା ନେଇ ସେ ନିର୍ବାଚନର ବିଜୟ ଟୀକା ପିନ୍ଧି ବିଧାନ ସଭାକରେ ପହଞ୍ଚିଥିଲେ ।
ଏଭଳି ଜଣେ ମହାନ ବ୍ୟକ୍ତିଙ୍କର ୧୬ତମ ଶ୍ରାଦ୍ଧବାର୍ଷିକୀ ସ୍ମୃତି ସଭାକୁ ଆୟୋଜନ କରିଥିଲେ ପୁତ୍ର ବଧୂ , ତଥା ୧୧ନମ୍ୱର୍ ଜୋନ ର ଜିଲ୍ଲା ପରିଷଦ ଡଲି ଶତପଥୀ , ପୁତ୍ର ଆଲୋକ ରଂଜନ ଶତପଥୀ । ଏହି ସ୍ମୃତି ସଭାରେ ବିଜେପିର ବରିଷ୍ଟ ନେତା ଶ୍ରୀଯୁକ୍ତ ବିଜୟ ମହାପାତ୍ର , ପ୍ରଫୁଲ୍ଲ ସାରେ, କିଶୋର ପଣ୍ଡା, ପ୍ରମୋଦ ରଥ, ଗୀତାଞ୍ଜଳି ସେଠୀ , ହିରଣ୍ୟ ମହାନ୍ତି , ସାଇଲେନ୍ଦ୍ର ମହାନ୍ତି ( ଫେଲୁ ଭାଇ ) ,ଅଜୟ ରାଉତ , ରବି ସାମଲ , ବେଡାରୀ ଜିପିର ପୂର୍ବତନ ସରପଂଚ ପ୍ରଫୁଲ୍ଲ ଚନ୍ଦ୍ର ମହାନ୍ତି ଦଳ ଗତ ନିର୍ବିଶେଷରେ ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ, ଗ୍ରାମବାସୀ ବନ୍ଧୁ ଓ ପରିବାର ବର୍ଗ ଉପସ୍ଥିତ ରହି ସ୍ବର୍ଗତ ଚକ୍ରଧର ଶତପଥୀଙ୍କ ସ୍ମୃତି ଚାରଣ କରିଥିଲେ ।
