ଦେବକାନ୍ତ ମହାନ୍ତ(ଚାନ୍ଦବାଲି):୧୩/୦୬/୦୨୨ ଚାନ୍ଦବାଲିରେ ବିଜେପି ଯୁବ ମୋର୍ଚ୍ଚା ଓ କୃଷକ ମୋର୍ଚ୍ଚା ପକ୍ଷରୁ ଆଜି ଚାନ୍ଦବାଲି ତହସିଲ କାର୍ଯ୍ୟାଳୟ ଅଗରେ ନାରାବାଜି କରିବା ସହ ପ୍ରତିବାଦ ସଭା କରାଯାଇଛି । ବିଜେପି ଦଳ ପକ୍ଷରୁ ଶତାଧିକ କର୍ମୀ ଓ ନେତା ଏକ ଶୋଭାଯାତ୍ରାରେ ଆସି ତହସିଲ କାର୍ଯ୍ୟାଳୟ ଆଗରେ ପ୍ରତିବାଦ ସଭା କରିବା ସହ ତହସିଲଦାରଙ୍କୁ ଗିରଫ ଦାବୀ କରିଥିଲେ ।
ଚାନ୍ଦବାଲି ବ୍ଲକ ଜଳେଶ୍ଵରପୁର ପଂଚାୟତର ଜଣେ ଦଳିତ ବ୍ୟକ୍ତିଙ୍କୁ ଚାନ୍ଦବାଲି ତହସିଲଦାର ଅସମ୍ମାନ କରିବା ସହ ତାଙ୍କୁ ମାଡ଼ ମାରିବା ଘଟଣାରେ ୨ ଟି ଅଭିଯୋଗ ହୋଇଥିଲେ ମଧ୍ୟ ଆଜି ଯାଏ ପୋଲିସ ପ୍ରଶାସନ ପକ୍ଷରୁ ତହସିଲଦାରଙ୍କ ବିରୁଦ୍ଧରେ କୈଣସି କାର୍ଯ୍ୟନୁଷ୍ଠାନ ଗ୍ରହଣ କରା ଯାଇ ନଥିବାରୁ ଏହାର ପ୍ରତିବାଦ କରି ଯୁବ ମୋର୍ଚ୍ଚା ଓ କୃଷକ ମୋର୍ଚ୍ଚାର କର୍ମୀ ମାନେ ପ୍ରତିବାଦ ସଭା କରିଥିଲେ , ପୁଣି ୭ ଦିନ ମଧ୍ୟରେ ଯଦି ପୋଲିସ କାର୍ଯ୍ୟନୁଷ୍ଠାନ ଗ୍ରହଣ ନ କରେ ତେବେ ବିଜେପି ଦଳ ଚାନ୍ଦବାଲିରେ (ଅଖ ଚକ) ବନ୍ଦ ଡ଼ାକରା ଦେବ ବୋଲି ଚେତାବନୀ ଦେଇଛି ।
