ଭୁବନେଶ୍ୱର : ଭାରତର ମହାଲେଖା ନିୟନ୍ତ୍ରକ ଓ ମହାପରୀକ୍ଷକ (ସିଏଜି ) ଆନୁକୂଲ୍ୟରେ ଓ ଭାରତୀୟ ଫୁଟବଲ ମହାସଂଘ ସହଯୋଗରେ ସିଏଜି ଓ ଭାରତୀୟ ଯୁବ ଫୁଟବଲ ଦଳ ମଧ୍ୟରେ ଏକ ବନ୍ଧୁତାପୂର୍ଣ୍ଣ ଦିବା ରାତ୍ର ଫୁଟବଲ ମ୍ୟାଚ ସ୍ଥାନୀୟ 3 ନମ୍ବର କ୍ୟାପିଟାଲ ହାଇସ୍କୁଲ ପଡିଆ ଠାରେ ଅନୁଷ୍ଠିତ ହୋଇ ଯାଇଅଛି l
ଏହି ମ୍ୟାଚକୁ ପ୍ରଧାନ ମହାଲେଖାକାର ରାଜ କୁମାର ମୁଖ୍ୟ ଅତିଥି, ମହାଲେଖାକାର ବିଶ୍ୱନାଥ ସିଂହ ଜାଡୋନ, ଭାରତୀୟ ଫୁଟବଲ ମହାସଂଘର ବୈସୟିକ ନିର୍ଦେଶକ ଦୀପଙ୍କର ବିଶ୍ୱାସ ସମ୍ମାନିତ ଅତିଥି ଭାବେ ଯୋଗ ଦେଇ ଟୁର୍ନାମେଣ୍ଟକୁ ଉଦଘାଟନ କରିଥିଲେ l ସିଏଜି ଦଳରେ ଓଡିଶା ଏ. ଜି ର ଅର୍ପଣ ଲାକ୍ରା ଓ ଗୌରବ ନେଗୀ ରକ୍ଷଣ ଭାଗ ଖେଳାଳି ଭାବେ ପ୍ରତିନିଧିତ୍ବ କରୁଛନ୍ତି l ଖେଳର ପ୍ରଥମାର୍ଦ୍ଧରେ ଗୋଲ ଶୂନ୍ୟ ରହିଥିଲା l ଖେଳର ଦ୍ୱିତୀୟାର୍ଦ୍ଧରେ ସିଏଜି ଦଳ 3ଟି ଗୋଲ ଦେଇ ବିଜୟୀ ହୋଇଥିଲେ l ଓଡିଶା ଏ. ଜି ତଥା ସିଏଜି ଦଳର ସ୍ଥାନୀୟ ପରିଚାଳକ ବରୁଣ ପ୍ରସନ୍ନ ମାଝି ଖେଳ ପରିଚାଳନା କରିଥିଲେ l
