ଭୁବନେଶ୍ୱର(ବାସ୍ତବ ଟିଭି): ଏଥର ରାଜନୀତିର ରଣନୀତିକୁ ଓହ୍ଲାଇବେନି ବୈଜୟନ୍ତ । ବିଜେଡ଼ିର କେନ୍ଦ୍ରାପଡା ପୂର୍ବତନ ସାଂସଦ ବୈଜୟନ୍ତ ପଣ୍ଡା ନିର୍ବାଚନ ଲଢ଼ିବା ନେଇ ଆଶା ପୁରା କମ୍ ଥିବା ଶୁଣିବାକୁ ମିଳୁଛି । ବିଜେପିରେ ବୈଜୟନ୍ତ ଯୋଗଦେବାର ମାତ୍ର ୪ଦିନ ପରେ ତାଙ୍କୁ ଉପସଭାପତିର ଦାୟୀତ୍ୱ ଦିଆଯାଇଥିଲା । ତେବେ ସୂଚନା ମୁତାବକ ବୈଜୟନ୍ତଙ୍କ ଦଳ ଗୁରୁ ଦାୟୀତ୍ୱ ଦେଇ ତାଙ୍କର ଟିକଟ ଉପରୁ ମୋହକୁ ତୁଟାଇବାକୁ ପ୍ରୟାଶ କରିଚି ବିଜେପି । ତାଛଡ଼ା ଆସନ୍ତା ନିର୍ବାଚନରେ ବୈଜୟନ୍ତ ଦିଲ୍ଲୀ ଦରବାରରେ ବସି ଦଳ ପାଇଁ ହାଇ ପ୍ରୋଫାଇଲ୍ ନକ୍ସା ତିଆରି କରିବେ ବୋଲି ଜଣାପଡ଼ିଛି ।
ଅନ୍ୟ ପଟେ ବୈଜୟନ୍ତ ବିଜେପିର ଉପସଭାପତିର ଦାୟୀତ୍ୱ ପାଇ ବହୁ ଖୁସି ଥିବାବେଳେ ବୈଜୟନ୍ତଙ୍କ ସମର୍ଥକ ମାନେ ନାହିଁ ନଥିବା ଖୁସି ହେବାର ଦେଖିବାକୁ ମିଳିଛି । ତେବେ ଆରୁ ବାରମ୍ବାର ବୈଜୟନ୍ତଙ୍କ ବିଜେପିରେ ମିଶିବାକୁନେଇ ଗଣ ମାଧ୍ୟମରେ ପ୍ରଚାର ହୋଇ ଆସୁଥିଲେ ମଧ୍ୟ ବୈଜୟନ୍ତ ବିଜେପିରେ ଯୋଗ ଦେଇ ନଥିଲେ । ଏବଂ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦିଙ୍କ ଘନ ଘନ ଓଡ଼ିଶା ଗସ୍ତ ଥିବାବେଳେ ବୈଜୟନ୍ତ ବିଜେପିରେ ମିଶିନଥିଲେ ।
ତେବେ ହଠାତ୍ ବୈଜୟନ୍ତ ବିଜେପି ଆଡ଼କୁ ମୁହାଁଇବା ଯେମିତି ବୈଜୟନ୍ତଙ୍କ ପୂର୍ବ ଦଳରନେତା ଅର୍ଥାତ୍ ବିଜେଡ଼ି ଦଳର ନେତା ଠିକସେ ହଜମ କରିପାରୁନାହାନ୍ତି । ନିଟରେ ସ୍ୱାସ୍ଥ୍ୟ ମନ୍ତ୍ରୀ ପ୍ରତାପ ଜେନା ଗଣମାଧ୍ୟମ ଆଗରେ ତାଙ୍କର ବିବୃତି ରଖିଥିବା ବେଳେ, କହିଥିଲେ କି ବୈଜୟନ୍ତଙ୍କ ମା’ଙ୍କୁ ବିଜୁବାବୁ ରାଜ୍ୟସଭା ପଠାଇଥିଲେ ଏବଂ ତାଙ୍କୁ ମଧ୍ୟ ବିଜେଡ଼ି ବହୁବାର ସାଂସଦ କରିଛି । ବୈଜୟନ୍ତଙ୍କ ପରିବାର ପ୍ରତି ବିଜୁବାବୁଙ୍କର ବହୁତ ସହଯୋଗ ରହିଥିଲା । ଏସବୁ ସତ୍ତ୍ବେ ବୈଜୟନ୍ତଙ୍କ ଏଭଳି ମିଛ ମୋତେ ବହୁତ ଆଘାତ ଦେଇଛି ବୋଲି ପ୍ରତାପ କହିଥିଲେ । ଅନ୍ୟପଟେ ବିଜେପିରେ ମିଶିବାପରେ ବୈଜୟନ୍ତଙ୍କ ବିଜେଡ଼ି ପ୍ରତି ଯେଇଁ ଅରୁଚିକର ମନ୍ତବ୍ୟ ଯେମିତି ବିଜେଡ଼ିକୁ ଘାଇଲା କରୁଛି ।
