ପ୍ରମୋଦ ନାୟକ(ଭୁବନେଶ୍ୱର): ଲୋକପ୍ରିୟ ଖଳନାୟକ ରାଇମୋହନ ପରିଡ଼ା ଗତ ୨୪ ତାରିଖ ଦିନ ଆତ୍ମହତ୍ୟା କରିଥିଲେ। ମୃତ୍ୟୁକୁ ୪ଦିନ ବିତିଯାଇଥିଲେ ବି ରହସ୍ୟ ହୋଇ ରହିଛି ରାଇମୋହନଙ୍କ ମୃତ୍ୟୁ ଘଟଣା । ସେ ଆତ୍ମହତ୍ୟା କରିଥିବା କୁହାଯାଉ ଥିଲେ ବି ପୁଲିସ ମୃତଦେହକୁ ସନ୍ଦେହଜନକ ସ୍ଥିତିରେ ଝୁଲନ୍ତା ଅବସ୍ଥାରେ ଉଦ୍ଧାର କରିଥିଲା। କାରଣ ପରିବାରର କେହି ବି ଜଣେ ହେଲେ ନଥିବା ବେଳେ ଘର କବାଟ ଖୋଲା ରହିଥିଲା । ମୋବାଇଲ୍ ହ୍ବାଟ୍ସଆପ୍ରୁ ପରିବାରବର୍ଗଙ୍କୁ ମେସେଜ୍ ଯାଇଥିଲା । ପାରିପାର୍ଶ୍ବିକ ସ୍ଥିତିକୁ ଦେଖିଲେ ତାଙ୍କ ସମର୍ଥକଙ୍କ ଠାରୁ ଆରମ୍ଭ କରି ସାଧାରଣ ଲୋକ ଏହାକୁ କେହି ସହଜରେ ହଜମ କରିପାରୁ ନାହାନ୍ତି।ହେଲେ ଭୁବନେଶ୍ୱର ଡିସିପି ରାଇମୋହନଙ୍କ ଆତ୍ମହତ୍ୟାକୁ ନେଇ ଆଜି ବଡ ବୟାନ ଦେଇଛନ୍ତି |
ଡିସିପି କହିଛନ୍ତି ଯେ ଆତ୍ମହତ୍ୟା ପୂର୍ବରୁ ଅଭିନେତା ରାଇମୋହନ ଡିପ୍ରେସନରେ ଥିଲେ | ମଞ୍ଚେଶ୍ୱର ଥାନା ଆଇଆଇସି ବିଭିନ୍ନ ଦିଗରୁ ତଦନ୍ତ କରୁଥିବାବେଳେ ପରିବାର, ପଡୋଶୀ, ଡ୍ରାଇଭର ଓ ପରିଚିତ ଲୋକଙ୍କୁ ପଚରାଉଚୁରା କରାଯାଉଛି | ରାଇମୋହନଙ୍କ ଫୋନ ଜବତ କରାଯାଇଥିବାବେଳେ ସେଥିରୁ କିଛି ସୁରାକ ମିଳିପାରେ | ତଦନ୍ତରୁ ରାଇମୋହନ ମାନସିକ ଅବସାଦରେ ଥିବା ଜଣାପଡିଛି | ତେବେ ମାନସିକ ଅବସାଦ ପଚାର କାରଣ ପରିବାର ଲୋକ ନିର୍ଦ୍ଦିଷ୍ଟ ଭାବରେ କହିପାରୁନାହାନ୍ତି | ମୃତ୍ୟୁର କାରଣ ପୋଷ୍ଟମର୍ଟମ ରିପୋର୍ଟ ଆସିଲେ ଅଧିକ ସ୍ପଷ୍ଟ ହେବ |
