ଦେବକାନ୍ତ ମହାନ୍ତି(ଚାନ୍ଦବାଲି):ବାଂଶଡ଼ା ଥାନା ଅନ୍ତର୍ଗତ ଜଳେଶ୍ଵରପୁର ପଂଚାୟତରେ ରାଜନୈତିକ ଗୋଷ୍ଟି ସଂଘର୍ଷ ଘଟି ଜଣେ ବ୍ୟକ୍ତିକୁ ଗୋଢ଼େଇ ଗୋଢ଼େଇ ହାଣିବା ପରେ ସେ ଗରୁତ୍ଵର ଆହାତ ହୋଇଛନ୍ତି । ପଂଚାୟତ ନିର୍ବାଚନ ପରେ କଂଗ୍ରେସ ଓ ବିଜେଡ଼ି କର୍ମୀଙ୍କ ମଧ୍ୟରେ ଗୋଷ୍ଟି ସଂଘର୍ଷ ଘଟିବା ପରେ ସେଥିରେ ଉଭୟ ପକ୍ଷରୁ ଆହାତ ହୋଇଥିଲେ , ପୁଣି ଆଜି ସେହି ହିଂସା ପୂନର୍ବାର ଦେଖାଦେଇଛି ।
କଂଗ୍ରେସ କର୍ମୀ ଅରବିନ୍ଦ ଭଳ ଦିଗଛିଆରୁ ନିଜ ଗାଁ ଜଳେଶ୍ୱରପୁର ।ଫେରୁଥିବାବେଳେ ବାଟରେ ୭ ଅଭିଯୁକ୍ତ ଖଣ୍ଡା ଓ ବାଡ଼ିରେ ଆକ୍ରମଣ କରିବାରୁ ଅରବିନ୍ଦ ଜିବନ ବିକଳରେ ବିଲକୁ ଦୌଡ଼ିଥିଲେ ମଧ୍ୟ ଅଭିଯୁକ୍ତ ମାନେ ତାଙ୍କୁ ଗୋଢ଼େଇ ଗାଢ଼େଇ ଅକ୍ରମଣ କରିଥିଲେ । ଘଟଣା ସ୍ଥଳରେ ଖବର ପାଇ ଅରବିନ୍ଦଙ୍କ ପରିବାର ଲୋକେ
ପହଁଚିବା ପୂର୍ବରୁ ସେମାନେ ଘଟଣା ସ୍ଥଳରୁ ଫେରାର ହୋଇଯାଇ ଥିଲେ । ଗରୁତ୍ୱର ଅବସ୍ଥାରେ ଅରବିନ୍ଦଙ୍କୁ ଉଦ୍ଧାର କରି ୧୦୮ ଯୋଗେ ଚାନ୍ଦବାଲି ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରରେ ଭର୍ତୀ କରାଯିବା ପରେ ବାଂଶଡ଼ା ଥାନାରେ ଅଭିଯୋଗ କରାଯାଇଛି ।
