ଏସ୍.ବାସ୍ତବ:କଂଗ୍ରେସ ସଂସଦୀୟ ଦଳର ନେତା ଅଧୀର ରଂଜନ ଚୌଧୁରୀଙ୍କ ବିବୃତ୍ତି ନେଇ ଲୋକସଭାରେ ହଂଗାମା ସୃଷ୍ଟି ହୋଇଛି । ମୁଦ୍ରାସ୍ଫୀତି, ଅଗ୍ନିପଥ, ବେକାରୀ ଭଳି ପ୍ରସଙ୍ଗରେ ବିରୋଧୀଙ୍କ ତୀବ୍ର ଆକ୍ରମଣର ସମ୍ମୁଖୀନ ହେଉଥିବା ସରକାର ବର୍ତ୍ତମାନ ସଂସଦରୁ ରାଜରାସ୍ତା ଯାଏଁ ଫ୍ରଡ଼ଫୁଟରେ ଅଛନ୍ତି। ଏହି ପୂରା ପର୍ଯ୍ୟାୟରେ ଶାସକ ଭାରତୀୟ ଜନତା ପାର୍ଟି (ବିଜେପି) ମହାମହିମ ରାଷ୍ଟ୍ରପତିଙ୍କ ଆସନମାନକୁ ନେଇ କଂଗ୍ରେସ ଦଳର ମଧ୍ୟବର୍ତ୍ତୀକାଳୀନ ସଭାପତି ସୋନିଆ ଗାନ୍ଧୀ ଏବଂ ଅଧୀର ରଂଜନ ଚୌଧୁରୀଙ୍କ ଠାରୁ କ୍ଷମା ମାଗିବାକୁ ଦାବି କରୁଛି। ବିବାଦ ମଧ୍ୟରେ ଅଧୀର ମଧ୍ୟ ଇମୋସନାଲ କାର୍ଡ ଖେଳିବାକୁ ଚେଷ୍ଟା କରିଛନ୍ତି।
ଇଣ୍ଡିଆନ୍ ଏକ୍ସପ୍ରେସରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଆଧୀର ରଂଜନ ଚୌଧୁରୀ କହିଛନ୍ତି ଯେ ମୁଁ ଅନାଥ ନୁହେଁ। ସୋନିଆ ଗାନ୍ଧୀ ମୋର ଅଭିଭାବକଙ୍କ ପରି। ”ଏଥି ସହିତ ସେ ଆହୁରି ମଧ୍ୟ କହିଛନ୍ତି ଯେ ମୁଦ୍ରାସ୍ଫୀତି, ବେକାରୀ ଭଳି ପ୍ରସଙ୍ଗରୁ ଜନସାଧାରଣଙ୍କ ଦୃଷ୍ଟି ଆକର୍ଷଣ କରିବାରୁ ବିଜେପି ଏହି ପ୍ରସଙ୍ଗରେ ଗୁରୁତ୍ୱ ଦେଉଛି।
ଆପଣଙ୍କୁ କହିରଖୁଛୁ ଯେ ଗତକାଲି ସଂସଦ ଛାଡିବାବେଳେ ଅଧୀର ରଂଜନ ଚୌଧୁରୀ ଗଣମାଧ୍ୟମ ସହ କଥାବାର୍ତ୍ତା ବେଳେ କହିଥିଲେ ଯେ ସେ ରାଷ୍ଟ୍ରପତି ଦୌପ୍ରଦୀ ମୁର୍ମୁଙ୍କ ଉଦ୍ଦେଶ୍ୟରେ ‘ରାଷ୍ଟ୍ରପତ୍ନୀ ‘ ଶବ୍ଦ ଜାଣତରେ ବ୍ୟବହାର କରିନାହାଁନ୍ତି। ସେ କହିଥିଲେ, ମୁଁ ବଙ୍ଗାଳୀ। ମୋର ହିନ୍ଦୀ ସେତେ ଭଲ ନୁହେଁ | ଏହି ଶବ୍ଦଟି ହଠାତ୍ ମୋ ପାଟିରୁ ବାହାରିଗଲା | ଯଦି ଆବଶ୍ୟକ ହୁଏ, ମୁଁ ରାଷ୍ଟ୍ରପତିଙ୍କ ନିକଟରେ କ୍ଷମା ପ୍ରାର୍ଥନା କରିବି, କିନ୍ତୁ ଏହି କପଟୀମାନଙ୍କ ପାଇଁ ନୁହେଁ।
ସଂସଦରେ ସୋନିଆ ସାମ୍ନାକୁ ଆସିଛନ୍ତି, କହିଛନ୍ତି- ଅଧୀର ରଂଜନ କ୍ଷମା ମାଗି ସାରିଛନ୍ତି
ଗୁରୁବାର ଏହି ପୁରା ଏପିସୋଡରେ ସୋନିଆ ଗାନ୍ଧୀ ବହୁତ ସକ୍ରିୟ ଦେଖାଦେଇଥିଲେ | ସେ ନିଜେ ନେତୃତ୍ୱ ନେଇଥିଲେ। କେନ୍ଦ୍ର ମନ୍ତ୍ରୀ ତଥା ବିଜେପି ନେତା ସ୍ମୃତି ଇରାନୀଙ୍କ ସହ ତାଙ୍କର ମଧ୍ୟ ଯୁକ୍ତିତର୍କ ହୋଇଥିଲା। ଯେତେବେଳେ ସୋନିଆ ଗାନ୍ଧୀଙ୍କୁ ସଂସଦରେ ପଚରାଯାଇଥିଲା କି ସେ ଚୌଧୁରୀଙ୍କୁ କ୍ଷମା ମାଗିବାକୁ କହିବେ କି ନାହିଁ, ସେ କହିଛନ୍ତି ଯେ ସେ କ୍ଷମା ମାଗି ସାରିଛନ୍ତି।
ସୋନିଆ ଗାନ୍ଧୀ ଏବଂ ସ୍ମୃତି ଇରାନୀଙ୍କ ମଧ୍ୟରେ ସଂଘର୍ଷ
କଂଗ୍ରେସ ସଭାପତି ସୋନିଆ ଗାନ୍ଧୀ ଏବଂ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ ମଧ୍ୟ ଗୁରୁବାର ଦିନ ରାଷ୍ଟ୍ରପତି ଦୌପ୍ରଦୀ ମୁର୍ମୁ ଙ୍କୁ ନେଇ ଉଠିଥିବା ମନ୍ତବ୍ୟ ଉପରେ କଂଗ୍ରେସ ନେତା ଅଧୀର ରଂଜନ ଚୌଧୁରୀଙ୍କ ମନ୍ତବ୍ୟକୁ ନେଇ ଉତ୍ତେଜନା ଦେଖାଦେଇଛି। ତେବେ ସେହି ସମୟରେ ଗୃହକୁ ସ୍ଥଗିତ ରଖାଯାଇଥିଲା। ବିଜେପିର ମହିଳା ସାଂସଦମାନେ ଆଗରେ ଆଗେଇ ଆସୁଥିଲେ ତେଣୁ ସୋନିଆ ଗାନ୍ଧୀଙ୍କୁ ଶାସକ ଦଳର ସିଟ ପାଖକୁ ଯାଇ ରାମା ଦେବୀଙ୍କୁ ସ୍ପଷ୍ଟୀକରଣ ଦେବାକୁ ପଡ଼ିଲା।
ଲୋକସଭାରେ ସକାଳୁହିଁ ହଂଗାମା ଆରମ୍ଭ ହୋଇଥିଲା ,ପ୍ରଶ୍ନ କାଳ ପରଠାରୁ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ ଆକ୍ରମଣକାରୀ ଥିଲେ। ଥରେ ଗୃହ ସ୍ଥଗିତ ରଖାଗଲା,୧୨ ଟାରୁ ଆରମ୍ଭ ହେବା ମାତ୍ରେ ଗଣ୍ଡଗୋଳ ଆରମ୍ଭ ହେଲା | ଯେତେବେଳେ ଶାସକ ଦଳରୁ ‘କ୍ଷମା ପ୍ରାର୍ଥନା’ ସ୍ଲୋଗାନ ଦିଆଯାଇଥିଲା, ସେତେବେଳେ କିଛି କଂଗ୍ରେସ ସାଂସଦ ମଧ୍ୟ ଆସନ ସମ୍ମୁଖକୁ ଆସିଥିଲେ। ଏଭଳି ପରିସ୍ଥିତିରେ ଗୃହକୁ କିଛି ମିନିଟ ମଧ୍ୟରେ ସ୍ଥଗିତ କରିଦିଆ ଯାଇଥିଲା ।
ସୂଚନାନୁସାରେ, ଯେତେବେଳେ ଗୃହ ସ୍ଥଗିତ ହେବା ପରେ ସୋନିଆ ଗାନ୍ଧୀ ବାହାରକୁ ଯାଉଥିଲେ, ସେତେବେଳେ ଶାସକ ଦଳରୁ,ସୋନିଆ ଗାନ୍ଧୀ ‘କ୍ଷମା ମାଗ ‘ସ୍ଲୋଗାନ ଦିଆଯାଇଥିଲା। ଏହା ଶୁଣି ସୋନିଆ ଗାନ୍ଧୀ ପଛକୁ ଫେରି ଶାସକ ଦଳର ରାମାଦେବୀଙ୍କ ଆସନରେ ପହଞ୍ଚି ତାଙ୍କ ଆସନ ଆଗକୁ ଯାଇଥିଲେ। ସୂଚନାନୁସାରେ, ସୋନିଆ ଗାନ୍ଧୀ ରାମା ଦେବୀଙ୍କୁ କହିଥିଲେ ଅଧୀର ରଂଜନ କ୍ଷମା ମାଗି ସାରିଛନ୍ତି, ତାଙ୍କ ନାମ କାହିଁକି ଟାଣାଯାଉଛି । ଏହି ସମୟରେ ରାମ ଦେବୀଙ୍କ ଆସନ ପଛରେ ବସିଥିବା ସ୍ମୃତି ଇରାନୀ ସୋନିଆ ଗାନ୍ଧୀଙ୍କୁ କିଛି କହିଥଲେ, ଯାହାକୁ ସୋନିଆ ଗାନ୍ଧୀ କାଁ ଦେଇ ନଥିଲେ ,କିନ୍ତୁ ପୁନଃଶ୍ଚ ସ୍ମୃତିଙ୍କ ମନ୍ତବ୍ୟରେ ସୋନିଆ ଗାନ୍ଧୀ କ୍ରୋଧିତ ଭାବରେ କହିଥିଲେ ଯେ ‘ମୁଁ ତୁମ ସହ କଥା ହେବାକୁ ଚାହୁଁନି ‘। , ବିଜେପିର ଅନେକ ମହିଳା ସାଂସଦ ସୋନିଆଙ୍କୁ କିଛି ପଚାରିଥିଲେ। ସ୍ମୃତି ଇରାନୀ ମଧ୍ୟ ସୋନିଆଙ୍କ ଷ୍ଟାଣ୍ଡରେ ଅସନ୍ତୁଷ୍ଟ ଥିବା ଦେଖିବାକୁ ମିଳିଥିଲା।
