ସଞ୍ଜୟ ଶତପଥୀ(କଟକ):ରାଜ୍ଯ ଅବସରପ୍ରାପ୍ତ କର୍ମଚାରୀ ମହାସଂଘ,ଓଡିଶା ପକ୍ଷରୁ କଟକର ବାଦାମବାଡିସ୍ଥିତ ସେସୁ କଲୋନୀ ଶ୍ରୀ ଶିବ ମନ୍ଦିର ପ୍ରାଙ୍ଗଣରେ ମହାସଂଘର ଅଧ୍ଯକ୍ଷ ଶ୍ରୀ ପ୍ରତାପ ଚନ୍ଦ୍ର ଦାସଙ୍କ ଅଧ୍ଯକ୍ଷତାରେ ଏକ ସାମ୍ବାଦିକ ସମ୍ମିଳନୀ ର ଆୟୋଜନ କରାଯାଇଥିଲା। ଏହି ସମ୍ମିଳନୀ ରେ ବହୁ ଅବସରପ୍ରାପ୍ତ ସରକାରୀ କର୍ମଚାରୀ ଯୋଗଦେଇଥିଲେ।
ଅବସରପ୍ରାପ୍ତ ସରକାରୀ କର୍ମଚାରୀମାନଙ୍କୁ ସରକାରଙ୍କ ତରଫରୁ ଚିକିତ୍ସା ଭତ୍ତାର ସୁବିଧା ପ୍ରଦାନ କରିବାକୁ ବିଗତ ୧୬ ବର୍ଷ ଧରି ବିଭିନ୍ନ ମାଧ୍ୟମରେ ଅନୁରୋଧ କରାଯାଇଥୂଲେ ମଧ୍ଯ ସରକାର ଏହି ବିଷୟରେ କର୍ଣପାତ ନ କରିବାକୁ ନେଇ ମହାସଂଘର କର୍ମକର୍ତ୍ତାଗଣ ପ୍ରକାଶ କରିବା ସହ ଯଦି ସରକାର ବିଚାର ବିଭାଗୀୟ ଅଧୀକାରୀ ଓ ବିଧାୟକଙ୍କୁ ଚିକିତ୍ସାଭତ୍ତା ର ସୁବିଧା ଦେଉଛନ୍ତି ତେବେ ଅବସରପ୍ରାପ୍ତ ସରକାରୀ କର୍ମଚାରୀମାନଙ୍କୁ ଏହି ସୁବିଧା ଦେବାରେ କୁଣ୍ଠାବୋଧକୁ ଘୋର ନିନ୍ଦା କରିବା ସହ ଯଦି ସରକାର ଏହି ବିଷୟ କୁ ବିଚାରକୁ ନ ନିଅନ୍ତି ତେବେ ଆଗାମୀ ଦିନରେ ସାରା ରାଜ୍ଯରେ ତୀବ୍ର ଆନ୍ଦୋଳନ ହେବ ଏବଂ ସେଥୂଲାଗି ସରକାର ଦାୟୀ ରହିବେ ବୋଲି ମହାସଂଘର ମହାସଚିବ ଶ୍ରୀ ଗୋକୁଳାନନ୍ଦ ବେହେରା ମତପ୍ରକାଶ କରିଥୂଲେ।
ଏହି ସାମ୍ବାଦିକ ସମ୍ମିଳନୀ ରେ ଶ୍ରୀ ନିର୍ମଳ ଦାସ, କାର୍ଯ୍ୟକାରୀ ଅଧ୍ଯକ୍ଷ, ଶ୍ରୀ ରଜନୀକାନ୍ତ ଚୌଧୁରୀ, ଶ୍ରୀ ସୁବୋଧ କୁମାର ମହାନ୍ତି, ଶ୍ରୀ ପ୍ରେମାନନ୍ଦ ଜେନା, ଶ୍ରୀ ପୂର୍ଣ୍ଣଚନ୍ଦ୍ର ନାୟକ, ଶ୍ରୀ କ୍ରୂପାସିନ୍ଧୁ ବେହେରା, ଶ୍ରୀ ବିଭୁତି ଭୂଷଣ ମହାନ୍ତି, ଶ୍ରୀ ଦ୍ବାରିକାନାଥ ମହାନ୍ତି, ଶ୍ରୀମତୀ ଲିଲିମା ମହାନ୍ତି ଙ୍କ ସହ ବହୁ ସଦସ୍ଯ ଉପସ୍ଥିତ ରହି ନିଜର ମତବ୍ୟକ୍ତ କରିଥୂଲେ। ଅବଶେଷରେ ଶ୍ରୀ ସୂଦର୍ଶନ ପ୍ରଧାନ ଧନ୍ଯବାଦ ଅର୍ପଣ କରିଥୂଲେ।
