ଭୁବନେଶ୍ୱର(ବାସ୍ତବବ୍ୟୁରୋ): ମୁଣ୍ଡୁଳିରେ ମହାନଦୀ ବିପଦ ସଙ୍କେତ ଉପରେ ପ୍ରବାହିତ ହେଉଛି | ୪ ନଦୀର ବନ୍ୟା ପରିସ୍ଥିତି ସଙ୍କଟାପନ୍ନ | ମହାନଦୀ, ଦେବୀ, କୁଶଭଦ୍ରା ଓ ବ୍ରାହ୍ମଣୀର ଜଳସ୍ତର କ୍ରମଶଃ ବୃଦ୍ଧି ପାଇବାରେ ଲାଗିଛି |ସୂଚନା ଅନୁଯାଇ,ଆଳିପିଙ୍ଗଳରେ ଦେବୀ ନଦୀ ବିପଦ ସଙ୍କେତ ଉପରେ ପ୍ରବାହିତ ହେଉଥିବାବେଳେ ନିମାପଡ଼ାରେ କୁଶଭଦ୍ରା ନଦୀରେ ବିପଦ ସଙ୍କେତ ଉପରେ ରହିଛି ଜଳସ୍ତର |
ଆଳିପିଙ୍ଗଳରେ ଦେବୀ ନଦୀର ବିପଦ ସଂକେତ ୧୨.୭୬ ମିଟର ଥିବାବେଳେ ବର୍ତ୍ତମାନ ୧୨.୦୬ ମିଟର ଜଳ ପ୍ରବାହିତ ହେଉଛି | ମୁଣ୍ଡୁଳିରେ ମହାନଦୀ ବିପଦ ସଙ୍କେତ ଉପରେ ପ୍ରବାହିତ ହେଉଥିବାବେଳେ ରାଉରକେଲାର ପାନପୋଷଠାରେ ବ୍ରାହ୍ମଣୀ ନଦୀ ବିପଦ ସଙ୍କେତ ଟପିଛି | ମୁଣ୍ଡୁଳିରେ ବିପଦ ସଙ୍କେତ ୯୭.୨୫ ଫୁଟ ଥିବାବେଳେ ବର୍ତ୍ତମାନ ୯୭.୮୦ ଫୁଟରେ ପାଣି ପ୍ରବାହିତ ହେଉଛି | ମୁଣ୍ଡୁଳିରେ ୧୨ ଲକ୍ଷ କ୍ୟୁସେକ ଜଳ ପ୍ରବାହିତ ହେଉଥିବାବେଳେ ନରାଜରେ ମଧ୍ୟ ବିପଦ ସଙ୍କେତ ଉପରେ ମହାନଦୀ ପ୍ରବାହିତ ହେଉଛି |
