ଜୟନ୍ତ ଶତପଥୀ (ଡେରାବିଶ):ସ୍ୱାଧୀନତାର ୭୫ ବର୍ଷ ପୂର୍ତ୍ତି ଓ ୭୬ ତ୍ତମ ସ୍ୱାଧୀନତା ଦିବଶରେ ରାଜ୍ୟ ଯୁବ ଜନତା ଦଳର ସମ୍ପାଦକ ସୁଦୀପ୍ତ କେଶରୀ ସାମଲଙ୍କ ନେତୃତ୍ୱରେ ଆଜି ଡେରାବିଶ ବ୍ଲକ ର ବିଭିନ୍ନ ଜାଗା ରେ ତ୍ରିରଙ୍ଗା ଶୋଭା ଯାତ୍ରା ବାଇକ ମାଧ୍ୟମରେ କରାଯାଇଥିଲା।
ଏହି ତ୍ରିରଙ୍ଗା ଶୋଭାଯାତ୍ରା ରେ ଦେଶଭକ୍ତି ର ନାରା ଦେଇ ଲୋକଙ୍କୁ ଜାଗ୍ରତ କରିବା ସହିତ ଲୋକଙ୍କ ମନରେ ଦେଶ ପାଇଁ ସହିଦ ହୋଇଥିବା ବୀର ଯବାନ ଙ୍କ ଗାଥା ର ପ୍ରଚାର କରାଯଇଥିଲା ।ଏହି ଶୋଭାଯାତ୍ରା ରେ ଅନେକ ଯୁବ ଓ ଛାତ୍ର ସଂଗଠନର କର୍ମକର୍ତା ଯୋଡି ହୋଇଥିଲେ ।ଏହି ଶୋଭାଯାତ୍ରା ରେ ସହସ୍ରାଧିକ ବାଇକ ତ୍ରିରଙ୍ଗା ପତାକା ଧରି ଗାଁ ଗାଁରେ ଦେଶ ପ୍ରେମ ବଳିଦାନ ସହିଦ ଙ୍କ ଗାଥା ଗାଇଥିଲେ ।
ତ୍ରିରଙ୍ଗା ଶୋଭାଯାତ୍ରା ଟି ବେଣୀପୁର ଗ୍ରାମ ପଞ୍ଚାୟତ ର ସଦାନନ୍ଦପୁର ଗ୍ରାମର ଗାନ୍ଧୀମୂର୍ତ୍ତି ନିକଟରୁ ବାହାରି ବଜାର, ଘଣ୍ଟାପଦା, ନୋଳସାହି, ରାଜନଗର, ରଘୁଦେଇପୁର, ବେଲାରପୁର, ଲଷ୍ମୀନାରାୟଣପୁର ଦେଇ ଛତା ଛକ ନିକଟରେ ସମ୍ପର୍ଣ୍ଣ ହୋଇଥିଲା ।ଏହି ତ୍ରିରଙ୍ଗା ଶୋଭାଯାତ୍ରା ରେ ବହୁ ସମାଜ ସେବି ସହିତ ଯୁବ ସାମ୍ବାଦିକ ବନ୍ଧୁ ମାନେ ମଧ୍ୟ ଯୋଗଦାନ କରିଥିଲେ ।
