କେନ୍ଦ୍ରାପଡ଼ା(ଜୟନ୍ତ ଶତପଥୀ) : ବନ୍ୟା ବିଭିଷୀକା କେନ୍ଦ୍ରାପଡ଼ା ଜିଲ୍ଲାରେ ସଂଘାତିକ ପରିସ୍ଥିତି ସୃଷ୍ଟି କରିଛି । ମହାନଦୀ ଓ ଏହାର ଶାଖା ନଦୀରେ ବନ୍ୟା ପ୍ରକୋପ ଜିଲ୍ଲାର ୯ରୁ ୭ଟି ବ୍ଲକ୍ ପ୍ରଭାବିତ କରିଛି । ଅଧିକ ପ୍ରଭାବିତ ଗରଦପୁର, ମାର୍ଶାଘାଇ ବ୍ଲକ୍ ଅଧିକ ପ୍ରଭାବିତ ହୋଇଥିବା ବେଳେ ଡେରାବିଶ ଏବ˚ ମହାକାଳପଡ଼ାରେ ବନ୍ୟା ପ୍ରଭାବ ଆ˚ଶିକ ରହିଛି। ଜିଲ୍ଲା ପ୍ରଶାସନର ରିପୋର୍ଟ ପାଖାପାଖି ଅନୁଯାଇ ବୁଧବାର ସୁଧା,୯୦ହଜାର ଲୋକ ପ୍ରଭାବିତ ହୋଇଥିବାବେଳେ ୨୧ଟି କଚ୍ଚା ଘର ଆ˚ଶିକ ନଷ୍ଟ ହେଇଛି।
ସବୁଠାରୁ ଦୁଃଖ ଓ ପରିତାପର ବିଷୟ ହୋଇଛି ବନ୍ୟା ବିପନ୍ନଙ୍କ ପାଖେ ରନ୍ଧା ଖାଦ୍ୟ ତ ଦୂରର କଥା, ଶୁଖିଲା ଖାଦ୍ୟ ବି ପହଂଚାଇବାରେ ପ୍ରଶାସନ ବିଫଳ ହୋଇଛି । ହଜାର ହଜାର ଗାଈଗୋରୁ ବି ଗଲା ଦୁଇ ଦିନ ହେବ ଭୋକ ଉପାସରେ ପଡ଼ିବା ଘଟଣା ପ୍ରଶାସନର ବନ୍ୟା ମୁକାବିଲାର ବିଫଳତାକୁ ପଦାରେ ପକାଇଛି ।
ପ୍ରଶାସନର ତଥ୍ୟ ଅନୁଯାୟୀ, ଚଳିତ ବନ୍ୟାରେ ଜିଲ୍ଲାର ୭ଟି ବ୍ଲକ୍ ମାର୍ଶାଘାଇ, ଗରଦପୁର, ଡେରାବିଶ, ରାଜକନିକା, ପଟ୍ଟାମୁଣ୍ତାଇ, ମହାକାଳପଡ଼ା ଅ˚ଚଳର ୩୪ଟି ପ˚ଚାୟତର ୮୬ଟି ଗ୍ରାମର ୮୯ହଜାର ୯୮୩ଲୋକ ପ୍ରଭାବିତ ହୋଇଛନ୍ତି। ସେଥିରୁ ୮୨ଟି ଗାଁ ଜଳବନ୍ଦି ଅବସ୍ଥାରେ ରହିଥିବା ବେଳେ ଆଜି ସୁଦ୍ଧା ୫ହଜାର ୩୬୯ବିପନ୍ନଙ୍କୁ ସ୍ଥାନାନ୍ତର କରାଯାଇଛି।
ହେଲେ ପ୍ରଶାସନ ଏଯାଏ ସବୁ ବିପନ୍ନ ପାଖେ ରନ୍ଧା ଖାଦ୍ୟ ପହଞ୍ଚାଇ ପାରିନାହିଁ। ଯାହା ପ୍ରଶାସନର ପାରିବା ପଣିଆକୁ ସୂଚାଇ ଦେଉଛି । ଘରଦ୍ବାର ଛାଡ଼ି ଯେଉଁମାନେ ଆଶ୍ରୟସ୍ଥଳକୁ ଆସୁଛନ୍ତି, ସେମାନଙ୍କୁ ଖାଦ୍ୟ ଦିଆଯାଉଥିବା ବେଳେ ଘରେ ଛାତ ଉପରେ ରହୁଥିବା ବିପନ୍ନଙ୍କୁ ଏହି ସୁବିଧା ଦିଆଯାଉନାହିଁ।
