ଦୁଃଶାସନ ପୃଷ୍ଟି(କାମାକ୍ଷାନଗର)୨୮|୦୮: ଢେଙ୍କାନାଳ ଜିଲ୍ଲା କାମାକ୍ଷାନଗରରେ ମର୍ମନ୍ତୁଦ ସଡକ ଦୁର୍ଘଟଣା।ନାବାଳକ ସମେତ ୫ ମୃତ, ଅଟୋକୁ ଧକ୍କା ଦେଲା ଟ୍ରକ ।
ଖବର ଅନୁଯାଇ, ଏକ ଯାତ୍ରୀବାହୀ ଅଟୋରେ କିଛି ଯାତ୍ରୀଙ୍କୁ ନେଇ, ଏନଏଚ-୫୩ ଦେଇ ଯାଉଥିବା ବେଳେ, ମୁକ୍ତାପାଣି ନିକଟରେ ଅଟୋକୁ ଏକ ଟ୍ରକ୍ ଧକ୍କା ଦେଇଥିଲା । ଫଳରେ ୫ ଜଣ ପ୍ରାଣ ହରାଇଛନ୍ତି । ମୃତକଙ୍କ ମଧ୍ୟରେ ଜଣେ ନାବାଳକ ମଧ୍ୟ ରହିଛନ୍ତି । ସମସ୍ତ ମୃତକ ବାଙ୍ଗୁରା ଗ୍ରାମର ବୋଲି ଜଣାପଡିଛି । ତେବେ ଦୁର୍ଘଟଣା ପରେ ଟ୍ରକ୍ ଚାଳକ ଘଟଣାସ୍ଥଳରୁ ଫେରାର ହୋଇଯାଇଛି । ପୋଲିସ ଅଟୋ ଓ ଟ୍ରକକୁ ଜବତ କରି ତଦନ୍ତ ଆରମ୍ଭ କରିଛି ।
