ନବୀନ ଦାଶ(ଅତାବିରା):ବରଗଡ ଜିଲ୍ଲା ଅତାବିରା ଥାନା ଅନ୍ତର୍ଗତ ଚକୁଳି ଫାର୍ମ ନିକଟରେ ୧୧ଲକ୍ଷ ଟଙ୍କା ର ୧୦୯.୫ ଗ୍ରାମ ବ୍ରାଉନ ସୁଗାର୍ ସହ ୩ଜଣ ଅଭିଯୁକ୍ତ ଙ୍କୁ ପୋଲିସ ଗିରଫ କରିଥିବା ଜଣା ପଡ଼ିଛି ।
ଗିରଫ ଅଭିଯୁକ୍ତ ମାନେ ବରଗଡ଼ ପୌରାଞ୍ଚଳ ୱାର୍ଡ ନଂ ୧ ର ଅମଜଦ ଖାନ୍(୩୦),ୱାର୍ଡ ନଂ ୩ ହାଟପଦା ର ଅଜୟ ପଟେଲ (୨୫), ୱାର୍ଡ ନଂ ୧୨ ର ମହମ୍ମଦ ଅଲତାବ୍ (୨୫) ଅଞ୍ଚଳର ହୋଇଥିବା ବେଳେ ୫୩ନଂ ଚାରି ଥାକିଆ ମୁଖ୍ୟ ଜାତୀୟ ରାଜପଥ ଚକୁଳି ଫାର୍ମ ଛକ ଠାରେ ଏକ ଏଫ୍ ଜେଡ ଏସ୍ ବାଇକ୍ ନଂ ଓଡି ୧୭ଜି ୪୩୪୦ କୁ ଅଟକାଇ ଯାଞ୍ଚ୍ ସମୟରେ ତାଙ୍କ ଠାରୁ ବାଇକ୍ ସମେତ ୧୦୯.୫ ଗ୍ରାମ ର ବ୍ରାଉନ ସୁଗାର୍,ଦୁଇଟି ମୋବାଇଲ ଫୋନ୍,୧୧୫୦ଟଙ୍କା ଜବତ୍ କରିବା ସହ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରିଥିବା ବରଗଡ଼,ଅତାବିରା ପୋଲିସ ସୂତ୍ରରୁ ଜଣା ପଡ଼ିଛି।
