ସଞ୍ଜୟ ଶତପଥୀ (କଟକ) ୧୭/୦୯: କଟକରେ ନକଲି ଟେଲମା ଔଷଧର ଧରପକଡ଼ର ସତ୍ୟସାତ ପଦାକୁ ଆସିଛି । କଟକର ବିଭିନ୍ନ ଔଷଧ ଦୋକାନରୁ ଔଷଧ ନିୟନ୍ତ୍ରକ ବିଭାଗ ପକ୍ଷରୁ ଜବତ ହୋଇଥିବା ରକ୍ତଚାପ ଔଷଧ ନକଲି ଵୋଲି ସ୍ପଷ୍ଟ କରିଛନ୍ତି,କଟକ ଡିସିପି ପିନାକ ମିଶ୍ର । ଭୁବନେଶ୍ବର ପରୀକ୍ଷାଗାରକୁ ଏହି ଔଷଧର ନମୁନା ପରୀକ୍ଷା କରି ପାଇଁ ପଠାଯାଇଥିଲା। ପରେ ଔଷଧ ନିୟନ୍ତ୍ରକ ଵିଭାଗ ପରୀକ୍ଷା ରିପୋର୍ଟ ବିଷୟରେ ଡିସିପଙ୍କୁ ଜଣାଇଛନ୍ତି। ଜଵତ ହୋଇଥିବା ନକଲି ଟେଲମା ଔଷଧ ଵ୍ୟଵହାର ଉପଯୋଗୀ ନୁହେଁ ବୋଲି ରିପୋର୍ଟରେ ଉଲ୍ଲେଖ ରହିଛି ।
ଡିସିପି ଶ୍ରୀ ମିଶ୍ର କହିଛନ୍ତିକି,ଏହି ଅଭିଯୋଗରେ ଗିରଫ ଦୁଇ ଅଭିଯୁକ୍ତଙ୍କୁ ରିମାଣ୍ଡରେ ଆଣି ପଚରାଉଚରା କରିବା ପରେ ଅନେକ ତଥ୍ୟ ସାମ୍ନାକୁ ଆସିଛି । ମୁଖ୍ୟତଃ ନକଲି ଔଷଧ ରାଜ୍ୟକୁ କେଉଁ ଜାଗାରୁ ଆସୁଥିଲା ଓ ଏହାର ମୁଖ୍ୟ ଅଭିଯୁକ୍ତ କିଏ ଏବିଷୟରେ ପୋଲିସ ତଥ୍ୟ ପାଇଛି ବୋଲି ଡିସିପି ଜଣାଇଛନ୍ତି। ରାଜ୍ୟ ଵାହାରେ ଥିବା ଏହି ମୁଖ୍ୟ ଅଭିଯୁକ୍ତଙ୍କ ୨ଟି ଵ୍ୟାଙ୍କ ଆକାଉଣ୍ଟକୁ ପୋଲିସ ଅକାମି କରିଛି। ସମ୍ପୃକ୍ତ ଦୁଇଟି ଆକାଉଣ୍ଟରେ ୧୨ଲକ୍ଷ ଟଙ୍କା ରହିଥିବାବେଳେ ମୁଖ୍ୟ ଅଭିଯୁକ୍ତକୁ ଗିରଫ କରିବା ପାଇଁ ପୋଲିସ ପଦକ୍ଷେପ ନେଉଥିବା ଡିସିପି ସୂଚନା ଦେଇଛନ୍ତି।
