ଦେବବ୍ରତ ପଣ୍ଡା(ଯାଜପୁର) ୦୨/୧୦: ଦୁର୍ଗତି ନାଶିନୀ ମା ଦୁର୍ଗାଅଙ୍କର ଡରାଵତାରଣରେ ଧାରା ଉଲ୍ଲସିତ।ସବୁଠି ମାଙ୍କ ଆଗମନି ବାର୍ତା,ପୁରା ପଲ୍ଲୀରେ ମାଙ୍କ ପୂଜାର୍ଚ୍ଚନା,ଆନନ୍ଦର ଫୁଆର । ମୃଣ୍ମୟୀ ମୁର୍ତ୍ତି ଦେବୀ ମଣ୍ଡପରେ ଆଜି ମହାସପ୍ତମୀ ପୂଜା ହେଉଥିବା ବେଳେ ପିଠେ’ ଅଷ୍ଟମୀ ପୂଜା କରାଯାଉଛି । ଏହି ପରି ପେକ୍ଷିରେ ମା’ ବିରଜାଙ୍କ ପୀଠରେ ମହାଷ୍ଟମୀ ପୂଜା ଅନୁଷ୍ଠିତ ହୋଇଛି। ଏଥିପାଇଁ ରବିବାର ବ୍ରାହ୍ମ ମୁହୁର୍ତ୍ତରୁ ଶ୍ରଦ୍ଧାଳୁମାନେ ମାଙ୍କ ପାଦ ସ୍ପର୍ଶ ଓ ମୁଖ ଦର୍ଶନ କରିବା ପାଇଁ ପ୍ରବଳ ଭିଡ଼ ଦେଖିବାକୁ ମିଳିଥିଲା। ଶ୍ରଦ୍ଧାଳୁଙ୍କ ଶୃଙ୍ଖଳିତ ଦର୍ଶନ ପାଇଁ ବ୍ୟାରିଗେଟର ବ୍ୟବସ୍ଥା କରାଯାଇଥିଲା।
ବୈତରଣୀ ଜଳରେ ମାଙ୍କୁ ପ୍ରାତଃ ସ୍ନାନ କରିଯିବା ପରେ ଷୋଡ଼ଶ ଉପଚାର ପୂଜା ଅନୁଷ୍ଠିତ ହୋଇଥିଲା । ଆଜି ଶ୍ରଦ୍ଧାଳୁଙ୍କ ପ୍ରବଳ ଭିଡ଼କୁ ଦୃଷ୍ଟିରେ ରଖି ମନ୍ଦିର ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଥିଲା। ଅଘଟଣ ପାଇଁ ସୁରକ୍ଷା ଦୃଷ୍ଟିରୁ ସାଧା ପୋଷାକ ଧାରୀ ପୋଲିସ ମୁତୟନ ହୋଇଥିଲେ। ମାଙ୍କ ପାଖେ ରାତିରେ ମହାଯଜ୍ଞ ଅନୁଷ୍ଠିତ ହେବ ବୋଲି ମଦିର ପରିଚାଳନା କମିଟି ପକ୍ଷରୁ ସୂଚନା ମିଳିଛି ।
