ବାସ୍ତବବ୍ୟୁରୋ:ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଦିଲ୍ଲୀର ନ୍ୟାସନାଲ ମେମୋରିଆଲ କମ୍ପ୍ଲେକ୍ସରେ ମା ଭାରତୀ କେ ସପୁତ ୱେବସାଇଟ୍ ଲଞ୍ଚ କରିଛନ୍ତି। କମ୍ପ୍ଲେକ୍ସରେ ଆୟୋଜିତ ଏକ କାର୍ଯ୍ୟକ୍ରମରେ ପ୍ରତିରକ୍ଷା ମନ୍ତ୍ରୀ ଏହି ୱେବସାଇଟ୍ ଲଞ୍ଚ କରିଥିଲେ। ଯୁଦ୍ଧ ସମୟରେ ସହିଦ ହୋଇଥିବା କିମ୍ବା ଆହତ ହୋଇଥିବା ଦେଶର ସୈନିକଙ୍କ ପରିବାରକୁ ଆର୍ଥିକ ସହାୟତା ଯୋଗାଇବା ପାଇଁ ଏହି ୱେବସାଇଟ୍ ତିଆରି କରାଯାଇଛି।
ୱେବସାଇଟ୍ ଅଧୀନରେ ଏକ ହଜାରରୁ ଅଧିକ ଆହତ ଯବାନଙ୍କୁ କ୍ଷତିପୂରଣ ଦିଆଯାଇସାରିଛି। ଅଭିନେତା ଅମିତାଭ ବଚ୍ଚନ ଏହାର ଶୁଭେଚ୍ଛୁ ଆମ୍ବାସଡର |
ଏହି ସମାରୋହରେ ରାଜନାଥ ସିଂ କହିଛନ୍ତି- ୧୯୬୨ ମସିହାରେ ହୋଇଥିବା ଯୁଦ୍ଧରେ ଦେଶର ଆହ୍ୱାନରେ ଦେଶର ଲୋକମାନେ ଖୋଲାଖୋଲି ଭାବେ ଦାନ କରିଥିଲେ, ଯାହାଦ୍ୱାରା ଅସ୍ତ୍ରଶସ୍ତ୍ରଠାରୁ ପୋଷାକ ପର୍ଯ୍ୟନ୍ତ ଆମର ସୈନିକ ମାନଙ୍କର ଆବଶ୍ୟକତା ପୂରଣ ହୋଇପାରିଥିଲା | ଆମର ମାତା, ଭଉଣୀ ଏବଂ ବୋହୂମାନେ ସେମାନଙ୍କର ଅଳଙ୍କାର ଦାନ କରିଥିଲେ ଏବଂସାଧାରଣ ଲୋକମାନେ ଆମର ସୈନ୍ୟବାହିନୀକୁ ସେମାନଙ୍କର ଜୀବନର ସାଇତା ଧନ ଦାନ କରିଥିଲେ | ଏବେବି ସହିଦ ପରିବାରଙ୍କୁ ଏହି ୱେବସାଇଟ୍ ମାଧ୍ୟମରେ ଦେଶବାସୀ ସହଯୋଗ କରିପାରିବେ |
