ବାସ୍ତବବ୍ୟୁରୋ:ବଲିଉଡର ଲୋକପ୍ରିୟ କାହାଣୀକାର ତଥା ନିର୍ଦ୍ଦେଶକ ଇସମାଇଲ ଶ୍ରଫଙ୍କ ଗୁରୁବାର (ଆଜି)ସକାଳେ ଦେହାନ୍ତ ହୋଇଛି। ସେ ୬୨ ବର୍ଷ ବୟସରେ ମୁମ୍ବାଇର କୋକିଲାବେନ ଧୀରବାଇ ଅମ୍ବାନୀ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ସୂଚନା ଅନୁଯାୟୀ,ମସ୍ତିଷ୍କ ଆଘାତ ଯୋଗୁଁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ତାଙ୍କ କ୍ୟାରିଅର୍ ରେ ସେ ଅନେକ ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ, କିନ୍ତୁ ୮୦ ଦଶକରେ ନିର୍ମିତ ‘ଥୋଡି ସି ବେୱାଫାଇ’ ଚଳଚ୍ଚିତ୍ରରୁ ଅଧିକ ଖ୍ୟାତି ଲାଭ କରିଥିଲେ |
ଏହା ବ୍ୟତୀତ ଇସମାଇଲ ଗଡ଼ ଆଣ୍ଡ ଗନ, ଅହିସ୍ତା ଅହିସ୍ତା, ବୁଲନ୍ଦି, ସୁରିଆ, ଦିଲ୍ ଆଖୀର ଦିଲ୍ ହେ , ଅଗର, ପୋଲିସ୍ ପବ୍ଲିକ୍, ଝୁଟା ସଚ୍ଚ, ନିଶ୍ଚୟ,ଲଭ୍ ୮୬,ଜିଦ୍ଦୀ ,ଥୋଡା ତୁମ୍ ବଦଲୋ ଥୋଡା ହମ୍ ଭଳି ସମସ୍ତ ହିଟ୍ ତଥା ଲୋକପ୍ରିୟ ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି | ସେ ଏକାଧାରରେ ଜଣେ ସୁ କାହାଣୀକାର ଥିଲେ, ତାଙ୍କର ମୃତ୍ୟୁ ଖବର ବଲିଉଡରେ ଶୋକର ଛାୟା ଖେଳାଇ ଦେଇଛି |
