ବାସ୍ତବ ବ୍ୟୁରୋ : ଆଜି(ଶନିବାର) ତେଲେଙ୍ଗାନା ଗସ୍ତରେ ଯାଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତେଲେଙ୍ଗାନାର ବିଜେପିକର୍ମୀଙ୍କୁ ସମ୍ବୋଧନ କରି କହିଛନ୍ତି, ମୁଁ ପ୍ରତିଦିନ ୨-୩ କିଲୋ ଗାଳି ଖାଉଛି। ହେଲେ ଏହି ଗାଳିଗୁଡ଼ିକ ମୋ ପାଇଁ ପୋଷଣ ହେଇଯାଉଛି। ଏଥିରୁ ମୋତେ ଉର୍ଜା ମିଳୁଛି। ଆଉ ମୁଁ ଜନାତଙ୍କ ସେବା କରିପାରୁଛି । ଏହି ଗାଳିଗୁଡ଼ିକୁ ଦେହକୁ ନ ନନେବାକୁ ସେ କର୍ମୀଙ୍କୁ କହିଛନ୍ତି।
ପ୍ରଧାନମନ୍ତ୍ରୀ କହିଛନ୍ତି ” କିଛି ଲୋକ ହାତାସ, ଭୟ ଓ ଅନ୍ଧବିଶ୍ୱାସ କାରଣରୁ ମୋଦୀଙ୍କୁ ଗାଳି ଦେଉଛନ୍ତି। ଭଳି ଭଳି ଗାଳି ଦିଆଯାଉଛି। ମୋଦୀଙ୍କୁ ଗାଳି ଦେବାକୁ ପୂରା ଅବିଧାନ ଲଗାଇଛନ୍ତି। ମୁଁ ଆପଣମାନଙ୍କୁ ପ୍ରାର୍ଥନା କରୁଛି ଏସବୁ କଥାରେ ଆପଣମାନେ ମନ ଦୁଃଖ କରନ୍ତୁ ନାହିଁ। କାରଣ ସେମାନଙ୍କର ପାଖରେ ଗାଳି ଦେବା ଛଡ଼ା ଆଉ କିଛି ନାହିଁ।”
ପ୍ରଧାନମନ୍ତ୍ରୀ ମୋଦି ସିଧାସଳଖ ନା ନନେଈ ତେଲେଙ୍ଗାନା ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓଙ୍କୁ ନିଶାନା କରିଛନ୍ତି ଏବଂ କହିଛନ୍ତି ସେ ଜଣେ ଦୁର୍ନୀଗ୍ରସ୍ତ ଓ ପରିବାରବାଦ ରାଜନୀତିର ପୃଷ୍ଠପୋଷକ । ଲୋକେ ପ୍ରଥମେ ସରକାର ଆବଶ୍ୟକ କରନ୍ତି ପରିବାର ନୁହେଁ।
କିଛି ଲୋକ ବିଜେପି ବିରୋଧରେ ଅପଶବ୍ଦ କହି ଗାଳିଗୁଲଜ କରୁଛନ୍ତି। ଅଶାଳୀନ ଭାସା ପ୍ରୟୋଗ କରୁଛନ୍ତି। ମୁଁ ବିଜେପି କର୍ମୀମାନଙ୍କୁ ଅନୁାରୋଧ କରୁଛି ସେମାନେ ସେଥିରେ ଆଦୌ ବିଚଳିତ ନହୁଅନ୍ତୁ । ସେହିପରି ରାଜ୍ୟରେ କେନ୍ଦ୍ରର ବିକାଶରେ ରାଜ୍ୟ ସରକାର ବାଧକ ସାଜୁଛନ୍ତି ବୋଲି କହିଛନ୍ତି ।ମନ୍ତ୍ରିମଣ୍ଡଳରେ କିଏ ସ୍ଥାନ ପାଇବ , ବିଭିନ୍ନ ଅଫିସର ଲୋକେସନ କେଉଁଠି ହେବ ଏମିତି ଅନେକ ନିଷ୍ପତ୍ତି ପାଇଁ କେସିଆର ଅନ୍ଧବିଶ୍ୱାସର ସାହାରା ନେଉଛନ୍ତି । ଏହା ସାମାଜିକ ନ୍ୟାୟ ପ୍ରତିଷ୍ଠାରେ ସବୁଠାରୁ ବଡ ପ୍ରତିବନ୍ଧକ । ତେଲେଙ୍ଗାନା ହେଉଛି ସୂଚନା ପ୍ରଯୁକ୍ତିର ଏକ କେନ୍ଦ୍ର। କିନ୍ତୁ ଏହି ଆଧୁନିକ ସହରରେ ଅନ୍ଧବିଶ୍ୱାସର ପ୍ରଚାର କରାଯାଉଛି। ଯାହା ଅତ୍ୟନ୍ତ ଦୁଃର୍ଭାଗ୍ୟଜନକ। ଯଦି ତେଲେଙ୍ଗାନାକୁ ବିକଶିତ କରିବାକୁ ପଡିବ, ଆମକୁ ଛୁଆବର୍ଗଙ୍କୁ ଆଗକୁ ଆଣିବାକୁ ପଡ଼ିବ। ସେଥିପାଇଁ ଆମକୁ ଏଠାରୁ ଅନ୍ଧବିଶ୍ୱାସ ହଟାଇବାକୁ ପଡିବ ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି।
