ନବୀନ ଦାଶ(ବରଗଡ଼): ୨୭।୧୧ –ଆଶ୍ଚର୍ଯ୍ୟ ହେଲେବି ସତ,ଦିନକୁ ଦିନ ବଦଳୁଛି ପ୍ରବେଶ,ପ୍ରକୃତି ବଦଳାଉଛି ରୂପ ।ନିତିଦିନ ଦେଖିବାକୁ ମିଳୁଛି ଏମିତି କିଛି ଘଟଣା ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରୁଛି ।ଏମିତି ଏକ ଚମତ୍କାର ଘଟଣା ନଜରକୁ ଆସିଛି,ବରଗଡ଼ ଜିଲ୍ଲା ଗାଇସଲେଟ ବ୍ଲକ ଜଗଲପାଟ ଗାଁରେ। ଏଠାରେ ଏକ ଛେଳି ମାନବ ଚେହେରା ଥିବା ଛୁଆ ଜନ୍ମ ଦେଇଛି। ଏହିଛଲୀ ଛୁଆର ଭିଡିଓଟି ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।
ସୂଚନାନୁଯାୟୀ,ଜଗଲପାଟ ଗାଁରେ ଜୈନିକ ବ୍ୟକ୍ତିଙ୍କ ଗୃହପାଳିତ ଛେଳି ଏକ ଛୁଆ ଜନ୍ମ ଦେଇଛି । ଯାହାର ରହିଛି ମଣିଷ ପରି ଚେହେରା । କେବଳ ଗାଁର ଲୋକ ନୁହଁନ୍ତି, ସମଗ୍ର ଅଞ୍ଚଳରେ ଲୋକମାନେ ଏହା ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି। ସୋସିଆଲ ମିଡିଆରେ ଭାଇରାଲ ହେଉଥିବା ଏହାର ଭିଡିଓରେ ଛେଳିର ଚେହେରା ଖୁବ୍ ଅଦ୍ଭୁତ ଦେଖାଯାଉଛି। ଏହାର ମଣିଷ ପରି ଦୁଇ ଆଖି ରହିଛି ଓ ଏହାର ଚାରିପାଖରେ କଳା ଘେର ରହିଛି । ଯାହା ଚଷମା ପରି ଲାଗୁଛି। ଏହା ବ୍ୟତୀତ ଛେଳିର ପାଟି ମଧ୍ୟ ମଣିଷ ପରି। ଛେଳିର ଅଦ୍ଭୁତ ପାଟି ହେତୁ ତାକୁ ଚାମଚ ମାଧ୍ୟମରେ କ୍ଷୀର ଖୁଆଇବାକୁ ପଡୁଛି।
