ପ୍ରମୋଦ ନାୟକ(ଭୁବନେଶ୍ବର):ରାଜଧାନୀ ଭୁବନେଶ୍ବରରେ ୬୦ ତମ ବାର୍ଷିକୀ ଗୃହରକ୍ଷୀ ଦିବସ ମହାସମାରୋହରେ ଭୁବନେଶ୍ୱରସ୍ଥିତ ରିଜର୍ଭ ପୋଲିସ ପଡ଼ିଆରେ ଅନୁଷ୍ଠିତ ହୋଇଯାଇଛି।ଏହି ମହାସମାରୋହରେ ମୂଖ୍ୟ ଅତିଥି ଭାବେ କଟକ-ଭୁବନେଶ୍ବର ଦ୍ବେତ୍ଯନଗରୀ ପୋଲିସ୍ କମିଶନର ଶ୍ରୀଯୁକ୍ତ ସୈ।ମେନ୍ଦ୍ର କୁମାର ପ୍ରିୟଦର୍ଶୀ (ଭା.ପୋ.ସେ) ଯୋଗଦେଇ କାର୍ଯ୍ୟରତ ଗୃହରକ୍ଷୀମାନଙ୍କର ମନୋବଳ ବୃଦ୍ଧି କରାଇବା ସହ ଭାରତର ମହାମହିମ ରାଷ୍ଟ୍ରପତିଙ୍କର, ମାନ୍ୟବର ପ୍ରଧାନମନ୍ତ୍ରୀଙ୍କର, ମାନ୍ୟବର ରାଜ୍ୟପାଳ, ଓଡ଼ିଶାଙ୍କର, ମାନ୍ୟବର କେନ୍ଦ୍ର ଗୃହମନ୍ତ୍ରୀଙ୍କର, ମାନ୍ୟବର ମୁଖ୍ୟମନ୍ତ୍ରୀ, ଓଡ଼ିଶାଙ୍କର ଓ ମାନନୀୟ ମହାନିର୍ଦ୍ଦେଶକ, ପୋଲିସ୍ ତଥା ଗୃହରକ୍ଷୀବାହିନୀଙ୍କର ଶୁଭେଚ୍ଛା ବାର୍ତ୍ତା ପାଠ କରିଥିଲେ।
ଭୁବନେଶ୍ୱର ଗୃହରକ୍ଷୀ ବାହିନୀ ପକ୍ଷରୁ ମୂଖ୍ୟ ଅତିଥିଙ୍କୁ ସଲାମୀ ସମ୍ମାନ ଦିଆଯାଇଥିଲା। ଏହି ମହାସମାରୋହରେ ଭୁବନେଶ୍ୱର ଗୃହରକ୍ଷୀ ବାହିନୀ କମାଣ୍ଡାଣ୍ଟ ତଥା ଉପ-ଆୟୁକ୍ତ, ଆରକ୍ଷୀ ଶ୍ରୀ ପ୍ରତୀକ ସିଂ ଉପସ୍ଥିତ ଥିବା ବେଳେ ସହକାରୀ କମାଣ୍ଡାଣ୍ଟ ଶ୍ରୀ ଅଶୋକ ପାଣିଗ୍ରାହୀ ସମସ୍ତ କାର୍ଯ୍ୟକ୍ରମ ପରିଚାଳନା କରିଥିଲେ।ଏହି ସମାରୋହରେ ମୂଖ୍ୟ ଅତିଥି କାର୍ଯ୍ୟରତ ସମସ୍ତ ଗୃହରକ୍ଷୀ ବାହିନୀ ର କାର୍ଯ୍ୟଦକ୍ଷତାକୁ ଭୁରି ଭୁରି ପ୍ରଶଂସା କରିଥିବା ବେଳେ ସମସ୍ତେ ସମସ୍ତ କୋଭିଡ୍ କଟକଣାର ନିୟମକୁ ପାଳନ କରିଥିଲେ ।
