ସଂଜୟ ଶତପଥୀ(କଟକ):୧୮/୧୨- ରବିବାର ଆଜି ରୋଟ୍ରାକ୍ଟ ଡିଷ୍ଟ୍ରିକ୍ଟ୍ ୩୨୬୨ ର ବାର୍ଷିକ କ୍ରିକେଟ୍ ପ୍ରତିଯୋଗିତା କଟକ ବିଡାନାସୀ ସ୍ଥିତ ବସୁନ୍ଧରା ଖେଳପଡିଆରେ ଅନୁଷ୍ଠିତ ହୋଇ ଯାଇଛି। ଏହି ପ୍ରତିଯୋଗିତା ରୋଟ୍ରାକ୍ଟ କଟକ ସେଣ୍ଟ୍ରାଲ୍ ତରଫରୁ ଆୟୋଜନ କରାଯାଇଥିଲା।
ଏହି କ୍ରିକେଟ୍ ପ୍ରତିଯୋଗିତାର ମୁଖ୍ଯ ଉଦ୍ଦେଶ୍ଯ ଥିଲା ରୋଟ୍ରାକ୍ଟ ଦ୍ୱାରା ହେଉଥିବା ବିଭିନ୍ନ ସେବାମୂଳକ କାର୍ଯ୍ଯକ୍ରମ ବିଶେଷ କରି ଗରୀବ ପିଲା ଙ୍କୁ ଦୈନିକ ମାଗଣା ଶିକ୍ଷାଦାନ ଯୋଜନା ଯାହା “ପାଠଶାଳା” ନାମରେ ପରିଚିତ ତାହାକୁ ପ୍ରଚାର ତଥା ପ୍ରସାରିତ କରିବା ଓ ଯୁବ ସମାଜସେବୀ ମାନଙ୍କ ମଧ୍ଯ ରେ କ୍ରିଡା ମାଧ୍ଯମ ରେ ଭାତୃଭାବ ଓ ଖେଳୁଆଳ ମନୋଭାବ ଜାଗ୍ରତ କରାଇବା।
ଏହି କ୍ରିକେଟ୍ ପ୍ରତିଯୋଗିତା ରେ ୬ ଟି ଦଳ ଖେଳିଥିଲେ, ଯେଉଁଥିରୁ ରୋଟ୍ରାକ୍ଟ କଟକ ସେଣ୍ଟ୍ରାଲ୍ ଦଳ ବିଜୟୀ ହୋଇଥିଲା ଓ ରୋଟ୍ରାକ୍ଟ ଗୋଲ୍ଡେନ୍ ଷ୍ଟାର୍ ଦ୍ୱିତୀୟ ହୋଇଥିଲା। ପ୍ରତିଯୋଗିତା ରେ ଅତିଥି ଭାବରେ ରୋଟାରୀ ଡିଷ୍ଟ୍ରିକ୍ଟ୍ ଗଭର୍ଣ୍ଣର ପ୍ରଭୂଦତ୍ତ ସୁବୁଦ୍ଧି, ଅତିରିକ୍ତ ଡିସିପି ଅନୀଲ୍ କୁମାର ମିଶ୍ର, ରୋଟାରୀଆନ୍ ଯଞାଶିସ୍ ମହାପାତ୍ର, ଏ. ବି ମହାପାତ୍ର,ରୋଟାରୀ କଟକ ସେଣ୍ଟ୍ରାଲ୍ ସଭାପତି ଅବସର ପ୍ରାପ୍ତ ଅଧ୍ଯାପକ ଦେବାଶିଷ୍ ଆଚାର୍ଯ, ସମ୍ପାଦକ ସତ୍ଯ ଗୋପାଳ ପରିଜା, ଶିକ୍ଷକ ଶିବ ନାୟକ, ରୋଟ୍ରାକ୍ଟ ଡି. ଆର୍. ଆର୍ ଅଭିଳାଷ ବୋଇତାଇ ଆଦି ଅତିଥି ଭାବରେ ଯୋଗ ଦେଇଥିଲେ।
ରୋଟ୍ରାକ୍ଟ କ୍ଲବ୍ କଟକ ସେଣ୍ଟ୍ରାଲ୍ ର ସଭାପତି ଆଶୁତୋଷ ଦେବତା, ସମ୍ପାଦକ ଦେବାଶିଷ୍ ଜେନା ଙ୍କ ନେତୃତ୍ବ ରେ ଓ କ୍ଲବ୍ ର ଅନ୍ୟ ସମସ୍ତ ସଦସ୍ଯଙ୍କ ପ୍ରଚେଷ୍ଟା ଓ ସହଯୋଗ ଦ୍ବାରା ପ୍ରତିଯୋଗିତାଟି ସୂଚାର ରୂପେ ସଫଳ ହୋଇଛି।
