ରାକେଶ ମହାନ୍ତି(ପାଟକୁରା): ପାଟକୁରା ନିର୍ବାଚନ ମଣ୍ଡଳୀର ଗରଦପୁର ବ୍ଲକ ରେ ବରିଷ୍ଠ ନେତା ବିଜୟ ମହାପାତ୍ରଙ୍କ, ଆଗାମୀ ନିର୍ବାଚନ କୁ ଆଖି ଆଗରେ ରଖି ବନ୍ଧୁମିଳନର ଆଢୁଆଳେ ଶକ୍ତି ପ୍ରଦର୍ଶନ ।
ତୀକନପୁର ପଞ୍ଚାୟତ ରେ ବନ୍ଧୁ ମିଲନ କାର୍ଯ୍ୟକ୍ରମ ଅବସରରେ ହଜାର ହଜାର ସମର୍ଥକ ଙ୍କ ସହ ବିଜୟ ମହାପାତ୍ର ରୋଡ ଶୋ କରି ବିରାଟ ଶୋଭାଯାତ୍ରାରେ ସଭାରେ ଯୋଗ ଦେଇଥିଲେ ।ଏହି ସଭାରେ ବିଜୟ ମହାପାତ୍ର ଆଗାମୀ ସାଧାରଣ ନିର୍ବାଚନ ରେ ନିଜ ରାଜନୈତିକ ଆଭିମୁଖ୍ୟ ସ୍ପଷ୍ଟ କରିବା ନେଇ ସଂକେତ ଦେଇଛନ୍ତି । କିନ୍ତୁ ଆଗାମୀ ସାଧାରଣ ନିର୍ବାଚନ ରେ ରାଜନୀତି ର ମୈଦାନ କୁ ବିଜୟ ଓହ୍ଲାଇବେ ନା ତାଙ୍କ ପୁଅ ନିର୍ବାଚନ ମୈଦାନ କୁ ଓହ୍ଲାଇବେ ତାହା ସ୍ପଷ୍ଟ କରିନାହାନ୍ତି ।
କିନ୍ତୁ ବିଜୟ ମହାପାତ୍ର ଙ୍କ ପୁଅ ଅରବିନ୍ଦ ମହାପାତ୍ର ଆଗାମୀ ନିର୍ବାଚନ ରେ ମୈଦାନ କୁ ଓହ୍ଲାଇବେ ବୋଲି ସଂକେତ ଦେଇଛନ୍ତି।ଗୋଟିଏ ମଞ୍ଚ ରେ ବିଜୟ ଓ ତାଙ୍କ ପୁଅ ଅରବିନ୍ଦ ମହାପାତ୍ର ଏକାଠି ଯୋଗ ଦେଇଥିବା କୁ ନେଇ ବିଭିନ୍ନ ମହଲରେ ଆଲୋଚନା ଜୋର ଧରିଛି।ତେବେ ବିଜୟ ଓ ତାଙ୍କ ପୁଅ ଅରବିନ୍ଦ ମହାପାତ୍ର ଆଗାମୀ ନିର୍ବାଚନ ରେ କେଉଁ ରାଜନୈତିକ ଦଳ କୁ ଯିବେ ତାହା ସ୍ପଷ୍ଟ କରିନାହାନ୍ତ ।
ସଭା ମାଧ୍ୟମ ରେ ବିଜୟ ମହାପାତ୍ର କହିଛନ୍ତି ଯେ “ମହାଭାରତ ର ଯୁଦ୍ଧ ର ଯେଉଁ ଓଳିଏ ବାକି ଅଛି ତାହା ନିର୍ଣ୍ଣାୟକ ହେବ ପାଟକୁରା ତଥା ଓଡ଼ିଶା ପାଇଁ “। ଏଥିସହ ଗରଦପୁର, ଡେରାବିଶ ଓ ମାର୍ଶାଘାଇ ବ୍ଲକ ର ସମସ୍ତ ସମର୍ଥକ ଙ୍କୁ ନୂଆ ବର୍ଷ ୨୦୨୩ ର ଅଭିନନ୍ଦନ ଦେଇଥିଲେ । ଏହି ବନ୍ଧୁ ମିଳନ ସଭାରେ ବହୁସଙ୍ଖ୍ୟକ ମହିଳା ସମର୍ଥକ ଯୋଗ ଦେଇଥିବାର ଦେଖିବାକୁ ମିଳିଥିଲା ।
