ତ୍ରିନାଥବାରିକ(ସାକ୍ଷୀଗୋପାଳ): ଆଜି (ରବିବାର) ରୋଟାରୀ କ୍ଲବ ଅଫ ସ୍ମାର୍ଟ ସିଟି ପକ୍ଷରୁ ଏକ ରକ୍ତଦାନ ଶିବିର ସାକ୍ଷୀଗୋପାଳ ପାନ୍ଥନିବାସ ଠାରେ ଅନୁଷ୍ଠିତ ହୋଇଯାଇଛି। ସତ୍ୟବାଦୀ ମହୋତ୍ସବ କମିଟିର ସଦସ୍ୟ ମାନଙ୍କ ପ୍ରତ୍ୟକ୍ଷ ସହଯୋଗ ଏବଂ ସ୍ଥାନୀୟ ଯୁବକ ଯୁବତୀ ମାନଙ୍କ ଆଗ୍ରହ, ଉତ୍ସାହ ଦ୍ୱାରା ପାଖାପାଖି ୫୫ ୟୁନିଟ ରକ୍ତ ସଂଗ୍ରହ ହୋଇପାରିଛି।
ରୋଟାରୀ ଡିଜିଏନ ଯଜ୍ଞାଶିଷ ମହାପାତ୍ର ମୁଖ୍ୟ ଅତିଥି ଭାବେ ଯୋଗଦେଇ ନିଜ ବକ୍ତବ୍ୟରେ କହିଛନ୍ତି ଯେ, “ରକ୍ତଦାନ ମହତ୍ ଦାନ”କୁ ଆଜି ଯୁବଗୋଷ୍ଠୀ ସାକାର କରିଛନ୍ତି । ସଭାପତି ଜ୍ୟୋତି ଭୂଷଣ ମହାପାତ୍ର କହିଲେ ଯେ “ରକ୍ତଦାନ ଏକ ପୁଣ୍ୟ କାମ, ତେଣୁ ଆଗାମୀ ଦିନରେ ଆମେ ଏହିପରି ବହୁ ଜନହିତକର କାର୍ଯ୍ୟ କରିବା ପାଇଁ ଯୋଜନା କରିଛୁ। ସମସ୍ତଙ୍କ ସହଯୋଗ ମିଳିଲେ ଏସବୁ ମହତ କାର୍ଯ୍ୟକ୍ରମ ହୋଇ ପାରିବ।”
