ବାସ୍ତବ ବ୍ୟୁରୋ:କେନ୍ଦ୍ର ସରକାର ପାନ୍-ଆଧାରକୁ ସଂଯୋଗ କରିବାର ସମୟସୀମାକୁ ଜୁନ୍ ୩୦ ପର୍ଯ୍ୟନ୍ତ ବୃଦ୍ଧି କରିଛନ୍ତି। କେନ୍ଦ୍ରୀୟ ବୋର୍ଡ ଅଫ୍ ଡାଇରେକ୍ଟ ଟ୍ୟାକ୍ସ (ସିବିଡିଟି) ରିଲିଜ୍ ଅନୁଯାୟୀ, ପାନ୍ କୁ ଆଧାର ସହିତ ସଂଯୋଗ କରିବାର ସମୟ ସୀମା ମାର୍ଚ୍ଚ ୩୧ ରୁ ଜୁନ୍ ୩୦ , ୨୦୨୩ କୁ ବୃଦ୍ଧି କରାଯାଇଛି।
ଆଧାର-ପାନ୍ ଲିଙ୍କ୍ ପାଇଁ ସମୟ ସୀମା ଅତୀତରେ ଅନେକ ଥର ବୃଦ୍ଧି କରାଯାଇଛି । ମାର୍ଚ୍ଚ ୩୧, ୨୦୨୨ ପୂର୍ବରୁ ଲିଙ୍କ୍ ପ୍ରକ୍ରିୟା ମାଗଣା ଥିଲା । ଏପ୍ରିଲ୍ ୧, ୨୦୨୨ ରୁ ୫୦୦ ଟଙ୍କା ଶୁଳ୍କ ଲାଗୁ କରାଯାଇଥିଲା ଏବଂ ଜୁଲାଇ ୧, ୨୦୨୨ ରୁ ୧୦୦୦ ଟଙ୍କାକୁ ବୃଦ୍ଧି କରାଯାଇଥିଲା।
ଗତ ବର୍ଷ ଜୁଲାଇରେ ସଂସଦରେ ଅଂଶୀଦାର ହୋଇଥିବା ସରକାରୀ ତଥ୍ୟ ଅନୁଯାୟୀ, ମୋଟ ୬୧,୭୩,୧୬,୩୨୩ (୬.୧୭ କୋଟି) ବ୍ୟକ୍ତିଗତ ପ୍ୟାନ ମଧ୍ୟରୁ ୪୬,୭୦,୬୬,୬୯୧ (୪.୬୭ କୋଟି) ପାନ-ଆଧାର ସଂଯୁକ୍ତ ହୋଇ ଥିଲା।
ଯଦି ପାନ୍ କାର୍ଡ ନିଷ୍କ୍ରିୟ, ତେବେ ଏହିପରି ଲୋକଙ୍କୁ ମ୍ୟୁଚୁଆଲ୍ ଫଣ୍ଡ କିମ୍ବା ଷ୍ଟକ୍ ଆକାଉଣ୍ଟ ଖୋଲିବାକୁ ଦିଆଯିବ ନାହିଁ | ଏହା ବ୍ୟତୀତ, ଯଦି ଆପଣ ଏହି ପାନ୍ କାର୍ଡକୁ ଯେକୌଣସି ସ୍ଥାନରେ ଡକ୍ୟୁମେଣ୍ଟ୍ ଭାବରେ ବ୍ୟବହାର କରନ୍ତି, ତେବେ ଜୋରିମାନା ହୋଇପାରେ | ଆୟକର ଅଧିନିୟମ ୧୯୬୧ ର ଧାରା ୨୭୨ବି ଅନୁଯାୟୀ, ଆପଣଙ୍କୁ ୧୦,୦୦୦ ଟଙ୍କା ପର୍ଯ୍ୟନ୍ତ ଜରିମାନା କରାଯାଇପାରେ |
